ലോകത്ത് ഏറ്റവുംകൂടുതല്‍ വിറ്റ 10 സ്മാര്‍ട്ട്‌ഫോണുകള്‍ ഏതൊക്കെയെന്ന് അറിയാം

2020 വർഷത്തെ രണ്ടാം പാദത്തിൽ ആഗോളതലത്തിൽ സ്മാർട്ട്ഫോണുകളുടെ വില്പന 20.4ശതമാനം കുറഞ്ഞതായി റിപ്പോർട്ട്. 29.47 കോടി സ്മാർട്ട്ഫോണുകളാണ് ഈകാലയളവിൽ വിറ്റുപോയത്. കഴിഞ്ഞവർഷം ഇതേകാലയളവിൽ 37.03 കോടിയായിരുന്നു വില്പന. ഏറ്റവും കൂടുതൽ യൂണിറ്റുകൾ വിറ്റഴിച്ച അഞ്ച് സ്മാർട്ട്ഫോൺ നിർമാതാക്കളിൽ സാംസങും ഇടംപിടിച്ചു. 5.47 കോടി ഫോണുകളാണ് സാംസങ് വിറ്റഴിച്ചത്. ഇവരുടെ വില്പനയിലാകട്ടെ 27.1ശതമാനമാണ് ഇടിവുണ്ടായത്. ആഗോള കൺസൾട്ടൻസ് സ്ഥാപനമായ ഓംദിയയുടെ കണക്കുപ്രകാരം ലോകത്ത് ഏറ്റവുംകൂടുതൽ വിറ്റഴിക്കുന്ന ഫോണുകളിൽ ആപ്പിളിന്റെ 5 മോഡലുകളും സാംസങിന്റെ ഒരുമോഡലും ഉൾപ്പെട്ടു. വില്പനയിൽ മുന്നിലുള്ള 10 ഫോണുകളുടെ പട്ടികകാണുക. Top 10 most popular smartphones right now

from money rss https://bit.ly/30W8GxI
via IFTTT

നിഫ്റ്റി 12,000 തിരിച്ചുപിടിച്ചു: സെന്‍സെക്‌സില്‍ 360 പോയന്റ് നേട്ടത്തോടെ തുടക്കം

മുംബൈ: വ്യാപാര ആഴ്ചയുടെ ആദ്യദിനത്തിൽ ഓഹരി സൂചികകളിൽ മികച്ചനേട്ടത്തോടെ തുടക്കം. സെൻസെക്സ് 360 പോയന്റ് നേട്ടത്തിൽ 40,869ലും നിഫ്റ്റി 97 പോയന്റ് ഉയർന്ന് 12011ലുമാണ് വ്യാപാരം ആരംഭിച്ചത്. ബിഎസ്ഇയിലെ 809 കമ്പനികളുടെ ഓഹരികൾ നേട്ടത്തിലും 326 ഓഹരികൾ നഷ്ടത്തിലുമാണ്. 61 ഓഹരികൾക്ക് മാറ്റമില്ല. ആഗോള വിപണികളിലെ നേട്ടമാണ് രാജ്യത്തെ സൂചികകളിലും പ്രതിഫലിച്ചത്. കമ്പനികൾ മികച്ച പ്രവർത്തനഫലം പുറത്തുവിടുന്നതും സൂചികകൾക്ക് കരുത്തേകി. ലോഹം, ബാങ്ക്, എഫ്എംസിജി ഓഹരികളിൽ വാങ്ങൽ താൽപര്യം പ്രകടമാണ്. എസ്ബിഐ, ആക്സിസ് ബാങ്ക്, എച്ച്ഡിഎഫ്സി, പവർഗ്രിഡ്, ബജാജ് ഫിനാൻസ്, എൻടിപിസി, കൊട്ടക് മഹീന്ദ്ര ബാങ്ക്, ഐസിഐസി ബാങ്ക്, ടാറ്റ സ്റ്റീൽ, എൽആൻഡ്ടി, ഇൻഫോസിസ്, മഹീന്ദ്ര ആൻഡ് മഹീന്ദ്ര തുടങ്ങിയ ഓഹരികളാണ് നേട്ടത്തിൽ. ടെക് മഹീന്ദ്ര, ഒഎൻജിസി, ടൈറ്റാൻ, ബജാജ് ഓട്ടോ തുടങ്ങിയ ഓഹരകൾ നഷ്ടത്തിലുമാണ്.

from money rss https://bit.ly/30U14Mk
via IFTTT

ഓൺലൈനായി എടുക്കാവുന്ന സംരംഭ ലൈസൻസുകൾ

വ്യവസായങ്ങൾക്കുള്ള ഏകജാലകമായ കെ-സ്വിഫ്റ്റ് ഓൺലൈൻ സംവിധാനത്തിന്റെ പരിഷ്കരിച്ച പതിപ്പായ 'കെ-സ്വിഫ്റ്റ് 2.0' മുഖ്യമന്ത്രി ഈയിടെ പുറത്തിറക്കി. ഇതോടെ ഒട്ടനവധി സൗകര്യങ്ങളും ആനുകൂല്യങ്ങളുമാണ്, ലൈസൻസുകളും അനുമതികളും നേടുന്നതിൽ സംരംഭകർക്ക് ലഭിക്കുന്നത്. സംരംഭകർക്ക് നിശ്ചിത സമയ പരിധിക്കുള്ളിൽ ലൈസൻസുകൾ നൽകുന്നതിന് ഉദ്ദേശിച്ചുകൊണ്ടുള്ള ഓൺലൈൻ പ്ലാറ്റ്ഫോം നിലവിൽ വന്നത് 2019 ഫെബ്രുവരിയിലാണ്. എന്നാൽ, നിലവിലുള്ള സംരംഭകർക്ക് അവരുടെ ലൈസൻസുകൾ പുതുക്കുന്നതിന് സൗകര്യം ഉണ്ടായിരുന്നില്ല. ഏറെക്കാലമായി വ്യവസായ സംഘടനകൾ ഇക്കാര്യം ആവശ്യപ്പെട്ടുവരികയായിരുന്നു. ഇപ്പോൾ അതിനുള്ള സൗകര്യം കൂടി ലഭ്യമായിരിക്കുന്നു. 14 വകുപ്പുകളിൽനിന്നുള്ള അനുമതികൾ 14 വകുപ്പുകളിൽനിന്നുള്ള ലൈസൻസുകൾ / അനുമതികൾ / നിരാക്ഷേപ പത്രങ്ങൾ എന്നിവയ്ക്കായി ഇപ്പോൾ കെ-സ്വിഫ്റ്റിനെ ആശ്രയിക്കാവുന്നതാണ്. ഈ ഓഫീസുകളിൽ പോകാതെ തന്നെ അപേക്ഷ ഫയൽചെയ്ത് അനുമതി നേടുന്നതിനുള്ള സൗകര്യം ഒരുങ്ങിയിരിക്കുന്നു. • ഫാക്ടറീസ് ആൻഡ് ബോയിലേഴ്സ്:: നിർമാണ അനുമതിയും ഫാക്ടറി ലൈസൻസും. • ഫയർ ആൻഡ് റെസ്ക്യു ഡിപ്പാർട്ട്മെന്റ്:: തുടങ്ങാനുള്ള അനുമതിയും ഫയർ സുരക്ഷാ ക്ലിയറൻസും. • ഇലക്ട്രിക്കൽ ഇൻസ്പെക്ടറേറ്റ്:: ഇലക്ട്രിക്കൽ സ്കീം അനുമതി, സേഫ്റ്റി സർട്ടിഫിക്കറ്റ്. • കേരള സ്റ്റേറ്റ് ഇലക്ട്രിസിറ്റി ബോർഡ്: : എച്ച്.ടി. /എൽ.ടി. പവർ കണക്ഷൻ. • മലിനീകരണ നിയന്ത്രണ ബോർഡ്: : സ്ഥാപിത അനുമതി (consent to establish) യും നടത്തിപ്പ് അനുമതിയും (consent to operate). • ടൗൺ ആൻഡ് കൺട്രി പ്ലാനിങ് ഡിപ്പാർട്ട്മെന്റ്:: ലേ ഔട്ട് അംഗീകാരം. • തദ്ദേശ സ്വയംഭരണ വകുപ്പ് (മുനിസിപ്പാലിറ്റികളും കോർപ്പറേഷനുകളും):: കെട്ടിട നിർമാണ അനുമതി, ആയതിന്റെ വികസനവും പുനർ വികസനവും. ഉടമസ്ഥതാ സർട്ടിഫിക്കറ്റ്, മുനിസിപ്പൽ ലൈസൻസ്. • തദ്ദേശ സ്വയംഭരണ വകുപ്പ് (ഗ്രാമപ്പഞ്ചായത്തുകൾ)::കെട്ടിട നിർമാണ അനുമതിയും ആയതിന്റെ വികസനവും പുനർ വികസനവും. ഉടമസ്ഥതാ സർട്ടിഫിക്കറ്റ്, പഞ്ചായത്ത് ലൈസൻസ്. • കേരള വാട്ടർ അതോറിറ്റി:: പുതിയ വാട്ടർ കണക്ഷൻ. • ഭൂഗർഭ ജല വകുപ്പ്:: ഭൂഗർഭ ജല പരിശോധനയും പമ്പിങ് ടെസ്റ്റും. • തൊഴിൽ വകുപ്പ്:: രജിസ്ട്രേഷൻ ഓഫ് ഷോപ്സ് ആൻഡ് എസ്റ്റാബ്ലിഷ്മെന്റ്, കരാർ തൊഴിലാളി രജിസ്ട്രേഷൻ, കെട്ടിട നിർമാണ തൊഴിലാളി രജിസ്ട്രേഷൻ, ഇതര സംസ്ഥാന തൊഴിലാളികളുടെ രജിസ്ട്രേഷൻ. • മൈനിങ് ആൻഡ് ജിയോളജി:: ക്വാറികൾക്കുള്ള അനുമതി, മണ്ണ് നീക്കുന്നതിനുള്ള അനുമതി. • സംസ്ഥാന പരിസ്ഥിതി ആഘാത നിർണയ അതോറിറ്റി:: പരിസ്ഥിതി ക്ലിയറൻസ്. • ഫോറസ്റ്റ് ആൻഡ് വൈൽഡ് ലൈഫ്:: അറക്കമില്ലുകൾക്കും മരം അധിഷ്ഠിതമായ സ്ഥാപനങ്ങൾക്കുമുള്ള ലൈസൻസും മരം മുറിക്കാനും മാറ്റാനുമുള്ള അനുമതിയും. ഇത്രയും ലൈസൻസുകൾ ലഭിക്കുന്നതിന് ഒരൊറ്റ അപേക്ഷാ ഫോറം സമർപ്പിച്ചാൽ മതി. ഫീസ് ഓൺലൈനിൽ അടയ്ക്കാം. 30 ദിവസത്തിനുള്ളിൽ തീരുമാനമുണ്ടായിരിക്കും. പുതിയ സൗകര്യങ്ങൾ 'കെ-സ്വിഫ്റ്റ് 2.0' നിലവിൽ വരുന്നതോടെ ഏതാനും പുതിയ സൗകര്യങ്ങൾ കൂടി വ്യവസായികൾക്ക് ലഭിക്കും. •നിലവിലുള്ള സംരംഭങ്ങളുടെ മുകളിൽ പറഞ്ഞ എല്ലാ ലൈസൻസുകളും അനുമതികളും ഓൺലൈൻ വഴി തന്നെ പുതുക്കിയെടുക്കാം. •30 ലക്ഷം രൂപ വരെ ഒരു സംരംഭത്തിന് സബ്സിഡിയായി നൽകുന്ന 'എന്റർപ്രണർ സപ്പോർട്ട് സ്കീം' പ്രകാരമുള്ള അപേക്ഷയും സമർപ്പിക്കാം. ജില്ലാ വ്യവസായ കേന്ദ്രം വഴി സ്ഥിര നിക്ഷേപത്തെ അടിസ്ഥാനമാക്കിയാണ് ഇത് നൽകുന്നത്. ഉത്പാദനം നടത്തുന്ന സ്ഥാപനങ്ങൾക്കാണ് അർഹത. •പ്രൊഫഷണൽ ടാക്സ് അടയ്ക്കാനും കെ-സ്വിഫ്റ്റ് സംവിധാനം ഉപയോഗിക്കാം. •കെ-സ്വിഫ്റ്റ് ഓൺലൈൻ പോർട്ടൽ വഴിയാണ്, മുൻകൂർ അനുമതി വാങ്ങാതെ സംരംഭം ആരംഭിക്കുന്നതിനുള്ള അനുമതി ലഭിക്കുന്നത്. റെഡ് കാറ്റഗറി ഒഴികെയുള്ള എല്ലാത്തരം സംരംഭങ്ങൾക്കും നിക്ഷേപ പരിധി നോക്കാതെ അനുമതി ലഭിക്കും. മൂന്നു വർഷത്തിനു ശേഷം ആറു മാസത്തിനുള്ളിൽ അനുമതികൾ നേടിയാൽ മതിയാകും. ഈ കാലയളവിൽ യാതൊരുവിധ പരിശോധനയും പാടില്ല എന്നും നിയമം അനുശാസിക്കുന്നുണ്ട്. കെ-സ്വിഫ്റ്റിൽ കയറി നേരിട്ട് അപേക്ഷ സമർപ്പിക്കാൻ കഴിയാത്ത സംരംഭങ്ങൾക്ക് ജില്ലാ വ്യവസായ കേന്ദ്രങ്ങളെ ഇതിനായി സമീപിക്കാവുന്നതാണ്. തികച്ചും സൗജന്യമായി ഈ സേവനം ലഭിക്കുന്നതാണ്. ഇതിനായി പ്രത്യേകം പരിശീലനം നേടിയ ഉദ്യോഗസ്ഥരെ ജില്ലകളിൽ നിയമിച്ചിട്ടുണ്ട്. നേരത്തെ സംരംഭകർ അനുഭവിച്ചിരുന്ന, ലൈസൻസുമായി ബന്ധപ്പെട്ട പ്രശ്നങ്ങൾക്ക് വലിയ പരിഹാരമാണ് കെ-സ്വിഫ്റ്റ് 2.0. (സംസ്ഥാന വ്യവസായ-വാണിജ്യ വകുപ്പിലെ റിട്ട. ഡെപ്യൂട്ടി ഡയറക്ടറാണ് ലേഖകൻ)

from money rss https://bit.ly/30Vb9Zp
via IFTTT

Tovino Thomas & Aishwarya Lekshmi To Team Up Again For Manu Ashokan's Kaanekkane

Tovino Thomas and Aishwarya Lekshmi, the much-loved star pair are all set to share the screen once again in the upcoming movie Kaanekkane. The movie, which is directed by Uyare fame Manu Ashokan, will also feature Suraj Venjaramoodu and Shruti Ramachandran

* This article was originally published here