നഷ്ടം എട്ടുലക്ഷം: മ്യൂച്വല്‍ ഫണ്ടുകള്‍വിറ്റ് കൂടുതല്‍ നഷ്ടം ഒഴിവാക്കുന്നതാണോ നല്ലത്?

വിവിധ കാറ്റഗറികളിലെ എട്ടു മ്യൂച്വൽ ഫണ്ടുകളിലായി 34 ലക്ഷം രൂപ ഞാൻ നിക്ഷേപിച്ചിരുന്നു. കഴിഞ്ഞ ദിവസം സ്റ്റേറ്റുമെന്റുകൾ പരിശോധിച്ചപ്പോൾ എട്ടുലക്ഷം രൂപയുടെ നഷ്ടമുണ്ടായതായി ബോധ്യപ്പെട്ടു. ഇപ്പോഴത്തെ നിക്ഷേപമൂല്യം 26 ലക്ഷമായി കുറയുകയും ചെയ്തു. ദീർഘകാലം ലക്ഷ്യമിട്ട് എസ്ഐപിയായാണ് നിക്ഷേപം നടത്തിവരുന്നത്. ഈ സാഹചര്യത്തിൽ എസ്ഐപി നിർത്തി നിക്ഷേപം പിൻവലിച്ച് സ്ഥിര നിക്ഷേപ പദ്ധതികളിലേയ്ക്ക് മാറുന്നതാണോ നല്ലത്? അപ്പോൾ കൂടുതൽ നഷ്ടം ഒഴിവാക്കാമല്ലോ. വിമൽ കാർത്തിക് ഇപ്പോൾ നിക്ഷേപം പിൻവലിച്ച് സ്ഥിര നിക്ഷേ പദ്ധതികളിലേയ്ക്ക് മാറ്റുന്നത് നിങ്ങൾക്ക് വലിയ തിരിച്ചടിയാകും. ഇപ്പോൾ കടലാസിലുള്ള നഷ്ടംഅപ്പോൾ യാഥാർഥ്യമാകുമെന്ന് മനസിലാക്കുക. വിപണിയിൽ 30ശതമാനത്തോളം ഇടിവുണ്ടായതാണ് നിങ്ങളുടെ ഫണ്ടുകളിലും പ്രതിഫലിച്ചത്. ഓഹരിയിലെയും ഓഹരി അധിഷ്ഠിത ഫണ്ടുകളിലെയും നിക്ഷേപം ദീർഘകാല ലക്ഷ്യങ്ങൾക്കുവേണ്ടിയുള്ളതാണ്. വിപണി ഇടിയുമ്പോൾ വിറ്റുമാറുന്നത് ഗുണംചെയ്യില്ല. എസ്ഐപി നിക്ഷേപം തുടരുക. വിപണി താഴ്ന്നിരിക്കുന്ന സമയത്ത് നിക്ഷേപിക്കുന്നതുകയ്ക്ക് കൂടുതൽ യൂണിറ്റുകൾ ലഭിക്കും. പിന്നീട് വിപണി കയറുമ്പോൾ അത് മികച്ചനേട്ടം നൽകാൻ സഹായിക്കുകയും ചെയ്യും. എസ്ഐപിയുമായി മുന്നോട്ടുപോകുക. സ്റ്റേറ്റ്മെന്റ് ഭാവിയിൽ മികച്ച നേട്ടത്തിന്റെ കണക്കുകൾ കാണിക്കും.

from money rss https://bit.ly/2VmFBsR
via IFTTT