അനുരംഗ് ജെയിന്‍ മുംബൈയില്‍ അപ്പാര്‍ട്ടുമെന്റ് സ്വന്തമാക്കിയത് 100 കോടി രൂപയ്ക്ക്

കോവിഡ് അടച്ചുപൂട്ടലൊന്നും വൻകിട ബിസിനസുകാരെ ബാധിച്ചിട്ടില്ല. രാജ്യത്തെ ഏറ്റവും വലിയ അപ്പാർട്ടുമെന്റ് ഇടപാട് നടന്നത് ഈയിടെയാണ്. വാഹന ഘടകഭാഗങ്ങൾ നിർമിക്കുന്ന എൻഡ്യുറൻസ് ടെക്നോളജീസിന്റെ മാനേജിങ് ഡയറക്ടർ അനുരംഗ് ജെയിൻ 100 കോടി രൂപ മുടക്കിയാണ് ദക്ഷിണ മുംബൈയിലെ കാർമിക്കേൽ റസിഡൻസസിൽ രണ്ട് അപ്പാർട്ടുമെന്റുകൾ സ്വന്തമാക്കിയത്. സ്റ്റാമ്പ് ഡ്യൂട്ടിക്കായി അഞ്ചു കോടി രൂപയാണ് മുടക്കിയത്. ഒരു ചതുരശ്ര അടിക്ക് ഏറ്റവും ഉയർന്ന വില നൽകിയാണ് ജെയിൻ അപ്പാർട്ടുമെന്റ് സ്വന്തമാക്കിയത്. 1.57 ലക്ഷം രൂപ. ഓരോ അപ്പാർട്ടുമെന്റിനും 3,185 ചതുരശ്ര അടിയിലേറെയാണ് വിസ്തൃതിയുള്ളത്. എട്ട് കാറുകൾ പാർക്ക് ചെയ്യുന്നതിനും സൗകര്യമുണ്ട്. രാഹുൽ ബജാജിന്റെ രണ്ട് അനന്തരവന്മാരിലൊരാളാണ് ജെയിൻ. ഫോബ്സിന്റെ 2019ലെ ഇന്ത്യയിലെ സമ്പന്ന പട്ടികയിൽ 84-ാം സ്ഥാനമാണ് അദ്ദേഹത്തിനുള്ളത്. മുകേഷ് അംബാനി, കുമാർ മംഗളം ബിർള എന്നിവരുടെ വസതിക്കുസമീപമാണ് ഇവരുടെ പുതിയ അപ്പാർട്ട്മെന്റ്.

from money rss https://bit.ly/30exMXh
via IFTTT