പൊന്നിന്റെവില കുതിക്കുന്നു: പവന് 36,600 രൂപയായി

കേരളത്തിൽ സ്വർണവില ദിനംപ്രതി റെക്കോഡ് ഭേദിച്ച് കുതിക്കുന്നു. വ്യാഴാഴ്ച പവന് 280 രൂപകൂടി എക്കാലത്തെയും ഉയർന്ന നിലവാരമായ 36,600ലെത്തി. ഗ്രാമിന് 35 രൂപകൂടി കഴിഞ്ഞ ദിവസത്തെ വിലയായ 4540 രൂപയിൽനിന്ന് 4575 രൂപയായി. ചൊവാഴ്ച പവന് 320 രൂപകൂടി 36,120 നിലവാരത്തിലെത്തിയിരുന്നു. ബുധനാഴ്ചയാകട്ടെ 200 രൂപകൂടി 36,320 രൂപയിലുമെത്തി. ഇതോടെ ഒരുപവൻ സ്വർണംവാങ്ങാൻ 41,000 രൂപയിലധികം മുടക്കേണ്ട സാഹചര്യമാണുള്ളത്. ആഗോളതലത്തിൽ രാജ്യങ്ങളുടെ സമ്പദ്ഘടന ദുർബലമായതാണ് തുടർച്ചയായി വില ഉയരാൻ കാരണം. കോവിഡ് കേസുകൾകൂടിയതോടെ ആഗോള വിപണികളിൽ സ്വർണവില എട്ടുവർഷത്തെ ഉയർന്നനിരക്കിലാണിപ്പോൾ. രൂപയുടെ മൂല്യമിടിവുംകൂടിചേർന്നതോടെ ആഭ്യന്തര വിപണിയിൽ സ്വണവില റെക്കോഡ് നിലയിലെത്തി.

from money rss https://bit.ly/2ZPSooT
via IFTTT