സെന്‍സെക്‌സില്‍ നേട്ടം 304 പോയന്റ്: നിഫ്റ്റി 11,700ന് മുകളില്‍ ക്ലോസ്‌ചെയ്തു

മുംബൈ: തുടർച്ചയായി അഞ്ചാമത്തെ ദിവസവും ഓഹരി സൂചികകൾ കുതിച്ചു. നിഫ്റ്റി 11,700ന് മുകളിൽ ക്ലോസ് ചെയ്തു. സെൻസെക്സ് 304.38 പോയന്റ് നേട്ടത്തിൽ 39,878.95ലും നിഫ്റ്റി 76.50 പോയന്റ് ഉയർന്ന് 11,738.90ലുമാണ് വ്യാപാരം അവസാനിപ്പിച്ചത്. ബിഎസ്ഇയിലെ 1040 കമ്പനികളുടെ ഓഹരികൾ നേട്ടത്തിലും 1584 ഓഹരികൾ നഷ്ടത്തിലുമായിരുന്നു. 200 ഓഹരികൾക്ക് മാറ്റമില്ല. ആർബിഐയുടെ വായ്പാവലോകന യോഗത്തിന്റെ തീരുമാനം വരാനിരിക്കെയാണ് സൂചികകളിലെ നേട്ടം. ടൈറ്റാൻ കമ്പനി, ബജാജ് ഓട്ടോ, ഹീറോ മോട്ടോർകോർപ്, മാരുതി സുസുകി, ഒഎൻജിസി തുടങ്ങിയ ഓഹരികളാണ് നേട്ടമുണ്ടാക്കിയത്. ബജാജ് ഫിനാൻസ്, ബിപിസിഎൽ, ഹിൻഡാൽകോ, ടാറ്റ മോട്ടോഴ്സ്, പവർഗ്രിഡ് കോർപ് തുടങ്ങിയ ഓഹരികൾ നഷ്ടത്തിലുമായിരുന്നു. വാഹനം, അടിസ്ഥാന സൗകര്യവികസനം, ഐടി, എഫ്എംസിജി സൂചികകൾ നേട്ടത്തിലാണ് ക്ലോസ് ചെയ്തത്. അതേസമയം ലോഹം, ഫാർമ, ഊർജം എന്നീ സെക്ടറുകളിലെ സൂചികകൾ സമ്മർദംനേരിട്ടു. ബിഎസ്ഇ മിഡ്ക്യാപ്, സ്മോൾ ക്യാപ് സൂചികകളും നഷ്ടത്തിലായി. Nifty closes above 11,700, Sensex gains 304 pts

from money rss https://bit.ly/33EEV68
via IFTTT