വായ്പാനയ അവലോകന സമിതിയില്‍ മൂന്ന് സ്വതന്ത്ര അംഗങ്ങളെക്കൂടി നിയമിച്ചു

റിസർവ്ബാങ്കിന്റെ വായ്പാനയ അവലോകന സമിതിയിൽ മൂന്ന് പുതിയ സ്വതന്ത്രാംഗങ്ങളെക്കൂടി നിയമിച്ചു. സാമ്പത്തിക വിദഗ്ധരായ ശശാങ്ക് ഭൈഡെ, അഷിമ ഗോയൽ, ജയന്ത് ആർ വർമ എന്നിവരാണ് പുതിയ അംഗങ്ങൾ. ഡൽഹി ആസ്ഥാനമായി പ്രവർത്തിക്കുന്ന നാഷണൽ കൗൺസിൽ ഫോർ അപ്ലൈഡ് ഇക്കണോമിക് റിസർച്ചിലെ മുതിർന്ന ഉപദേഷ്ടാവാണ് ശശാങ്ക് ഭൈഡെ. മുംബൈയിലെ ഇന്ദിരാഗാന്ധി ഇൻസ്റ്റിറ്റ്യൂട്ട് ഓഫ് ഡെവലപ്മെന്റ് റിസർച്ചിലെ പ്രൊഫസറാണ് ഗോയൽ. ജയന്ത് വർമയാകട്ടെ അഹമ്മദാബാദിലെ ഇന്ത്യൻ ഇൻസ്റ്റിറ്റ്യൂട്ട് ഓഫ് മാനേജുമെന്റിലെ പ്രൊഫസറുമാണ്. പ്രധാനമന്ത്രി നരേന്ദ്ര മോദി അധ്യക്ഷനായ മന്ത്രിസഭയിലെ നിയമന സമിതി ഇവരുടെ നിയമനം അംഗീകരിച്ചു. ആർബിഐ ഗവർണർ അധ്യക്ഷനായ സമിതിയിലെ പുതിയ അംഗങ്ങളുടെ കാലാവധി നാലുവർഷമോ അല്ലെങ്കിൽ മറ്റൊരു ഉത്തരവുണ്ടാകുന്നതിവരെയോആണ്. ആറംഗ സമിതിയിലെ സ്വതന്ത്ര അംഗങ്ങളുടെ കാലാവധി കഴിഞ്ഞതിനാൽ സെപ്റ്റംബർ 29ന് ചേരേണ്ടിയിരുന്ന വായ്പാനയ അവലോകനയോഗം മാറ്റിവെച്ചിരുന്നു. പുതുക്കിയ തിയതി ഇതുവരെ തീരുമാനിച്ചിട്ടില്ല. Govt appoints new MPC members

from money rss https://bit.ly/3ixT7Cb
via IFTTT