എംസിഎക്‌സ് അടിസ്ഥാന ലോഹങ്ങളില്‍ ഫ്യൂച്വര്‍ ട്രേഡിംഗ് ആരംഭിച്ചു

കൊച്ചി : രാജ്യത്തെ പ്രമുഖ കമ്മോഡിറ്റി എക്സ്ചേഞ്ചായ എംസിഎക്സ് അടിസ്ഥാന ലോഹങ്ങളിൽ ഫ്യൂച്വർ ട്രേഡിംഗ് ആരംഭിച്ചു. എംസിഎക്സ് ഐകോംഡെക്സ് ബേസ് മെറ്റൽ ഇൻഡെക്സ് (METLDEX) എന്ന പേരിലുള്ള കോൺട്രാക്റ്റിൽ 2020 നവംബർ, ഡിസംബർ 2021 ജനുവരി മാസങ്ങളിൽ അവസാനിക്കുന്ന ഫ്യൂച്വറുകളിൽ ഇപ്പോൾ ട്രേഡിംഗ് നടത്താനാകും. എംസിഎക്സ് ഐകോംഡെക്സ് ബേസ് മെറ്റൽ ഇൻഡെക്സിന്റെ 50 തവണയാണ് ലോട്ട് സൈസായി നിശ്ചയിച്ചിട്ടുള്ളത്. കോൺട്രാക്റ്റിന്റെ മിനിമം പ്രൈസ് മൂവ്മെന്റ് ഒരു രൂപയാണ്. എംസിഎക്സ് ബുള്ള്യൻ ഇൻഡെക്സ് ഫ്യൂച്വർ ട്രേഡിംഗ് ആരംഭിക്കുകയും അത് വിജയകരമായി മുന്നോട്ട് പോകുകയും ചെയ്യുന്ന അവസരത്തിൽ ഐകോംഡെക്സ് ബേസ് മെറ്റൽ ഇൻഡെക്സിൽ കൂടി ഫ്യൂച്വർ ട്രേഡിംഗ് ആരംഭിക്കാൻ കഴിഞ്ഞത് രാജ്യത്തെ കമ്മോഡിറ്റി ഇടപാടുകളെ കൂടുതൽ ശക്തിപ്പെടുത്തുമെന്ന് എംസിഎക്സ് മാനേജിംഗ് ഡയറക്ടറും സി ഇ ഒ യുമായ പി. എസ്.റെഡ്ഡി പറഞ്ഞു.

from money rss https://bit.ly/3lYoIPI
via IFTTT