സംവത് 2076ന് വിട: സെന്‍സെക്‌സ് 86 പോയന്റ് നേട്ടത്തില്‍ 43,443ല്‍ ക്ലോസ് ചെയ്തു

മുംബൈ: സംവത് 2076ന് വിരാമമിട്ട് ഓഹരി സൂചികകൾ നേട്ടത്തിൽ ക്ലോസ് ചെയ്തു. സെൻസെക്സ് 85.81 പോയന്റ് ഉയർന്ന് 43,443ലും നിഫ്റ്റി 29.20 പോയന്റ് നേട്ടത്തിൽ 12,720ലുമാണ് വ്യാപാരം അവസാനിപ്പിച്ചത്. നഷ്ടത്തിലായിരുന്നു തുടക്കമെങ്കിലും ഉച്ചയോടെ നേട്ടംതിരിച്ചുപിടിച്ചു. സംവത് 2076ൽ സെൻസെക്സ് 11ശതമാനമാണ് നേട്ടമുണ്ടാക്കിയത്. ബിഎസ്ഇയിലെ 1597 കമ്പനികളുടെ ഓഹരികൾ നേട്ടത്തിലും 1066 ഓഹരികൾ നഷ്ടത്തിലുമായിരുന്നു. 193 ഓഹരികൾക്ക് മാറ്റമില്ല. നിഫ്റ്റി ബാങ്ക്, ഐടി, ഓട്ടോ സൂചികകളാണ് പ്രധാനമായും നേട്ടമുണ്ടാക്കിയത്. ഐഷർ മോട്ടോഴ്സ്, ബജാജ് ഫിൻസർവ്, കോൾ ഇന്ത്യ, ടാറ്റ സ്റ്റീൽ, ഡിവിസ് ലാബ്, ഐസിഐസിഐ ബാങ്ക്, ബജാജ് ഫിനാൻസ്, ആക്സിസ് ബാങ്ക്, ഗ്രാസിം, ഹീറോ മോട്ടോർകോർപ്, എസ്ബിഐ തുടങ്ങിയ ഓഹരികൾ നേട്ടത്തിലായിരുന്നു. ടാറ്റ മോട്ടോഴ്സ്, എൽആൻഡ്ടി, എച്ച്ഡിഎഫ്സി, യുപിഎൽ, എച്ച്ഡിഎഫ്സി ബാങ്ക്, ഭാരതി എയർടെൽ, അദാനി പോർട്സ്, ഐഒസി, ടിസിഎസ്, ടെക് മഹീന്ദ്ര, ഐടിസി തുടങ്ങിയ ഓഹരികൾ നഷ്ടത്തിലുമാണ് ക്ലോസ് ചെയ്തത്.ബിഎസ്ഇ സ്മോൾ ക്യാപ് 1.12ശതമാനവും മിഡ്ക്യാപ് സൂചിക 0.86ശതമാനം നേട്ടമുണ്ടാക്കി. Sensex settles 86 points higher at 43,443 levels

from money rss https://bit.ly/32FLYLe
via IFTTT