റെക്കോഡ് നേട്ടത്തിൽ വീണ്ടും: സെൻസെക്‌സ് 958 പോയന്റ് നേട്ടത്തിൽ ക്ലോസ് ചെയ്തു

മുംബൈ: അനുകൂലമായ ആഗോള സാഹചര്യങ്ങൾ സൂചികകൾ നേട്ടമാക്കി. റെക്കോഡ് ക്ലോസിങ് നിലവാരത്തിലാണ് വിപണി വ്യാഴാഴ്ച വ്യാപാരം അവസാനിപ്പിച്ചത്. സെൻസെക്സ് 958.03 പോയന്റ് നേട്ടത്തിൽ 59,885.36ലും നിഫ്റ്റി 276.30 പോയന്റ് ഉയർന്ന് 17,823ലുംതൊട്ടു. ബജാജ് ഫിൻസർവ്, ഹിൻഡാൽകോ, ടാറ്റ മോട്ടോഴ്സ്, എൽആൻഡ്ടി, കോൾ ഇന്ത്യ തുടങ്ങിയ ഓഹരികളാണ് പ്രധാനമായും നേട്ടമുണ്ടാക്കിയത്. എച്ച്ഡിഎഫ്സി ലൈഫ്, ഡോ.റെഡ്ഡീസ് ലാബ്, നെസ് ലെ, ഐടിസി തുടങ്ങിയ ഓഹരികൾ നഷ്ടംനേരിട്ടു. ബിഎസ്ഇ മിഡ്ക്യാപ്, സ്മോൾ ക്യാപ് സൂചികകൾ ഒരുശതമാനംവീതം ഉയർന്നു. നിഫ്റ്റി റിയാൽറ്റി സൂചികയിൽ കുതിപ്പ് തുടർന്നു. ഒമ്പത് ശതമാനമാണ് നേട്ടമുണ്ടാക്കിയത്. ഐടി, ലോഹം, ബാങ്ക്, ഓയിൽ ആൻഡ് ഗ്യാസ് സൂചികകൾ ഒരുശതമാനത്തോളം ഉയർന്നാണ് വ്യാപാരം അവസാനിപ്പിച്ചത്. Content Highlights: sensex close in record high, nifty 276 points up

from money rss https://bit.ly/3kASi00
via IFTTT