നഷ്ടംതുടരുന്നു; സെന്‍സെക്‌സ് 73 പോയന്റ് താഴ്ന്നു

മുംബൈ: ഓഹരി വിപണിയിൽ നഷ്ടംതുടരുന്നു. വ്യാപാരം ആരംഭിച്ചയുടനെ സെൻസെക്സ് 116 പോയന്റ് ഉയർന്നെങ്കിലും താമസിയാതെ നഷ്ടത്തിലായി. സെൻസെക്സ് 73 പോയന്റ് നഷ്ടത്തിൽ 39540ലും നിഫ്റ്റി 18 പോയന്റ് താഴ്ന്ന് 9005ലുമാണ് വ്യാപാരം നടക്കുന്നത്. ഹിൻഡാൽകോ, യുപിഎൽ, ടാറ്റ മോട്ടോഴ്സ്, കൊട്ടക് മഹീന്ദ്ര, എൽആൻഡ്ടി, ഐസിഐസിഐ ബാങ്ക്, ആക്സിസ് ബാങ്ക്, സിപ്ല, എച്ച്ഡിഎഫ്സി ബാങ്ക്, ഭാരതി എയർടെൽ, ഹീറോ മോട്ടോർകോർപ്, ടിസിഎസ് തുടങ്ങിയ ഓഹരികൾ നേട്ടത്തിലാണ്. എംആൻഡ്എം, ഐടിസി, ടൈറ്റൻ കമ്പനി, ഏഷ്യൻ പെയിന്റ്സ്, ബജാജ് ഫിനാൻസ്, എൻടിപിസി, എച്ച്സിഎൽ ടെക്, ഐഷർ മോട്ടോഴ്സ്, ഐഒസി, ഡോ.റെഡ്ഡീസ് ലാബ് തുടങ്ങിയ ഓഹരികൾ നഷ്ടത്തിലുമാണ്. ഡാബർ ഇന്ത്യ, സൺ ഫാർമ, യുണൈറ്റഡ് സ്പിരിറ്റ്സ് തുടങ്ങിയ കമ്പനികൾ ഉൾപ്പടെ 22 കമ്പനികളാണ് ഇന്ന് മാർച്ച് പാദത്തിലെ പ്രവർത്തനഫലം പുറത്തുവിടുന്നത്.

from money rss https://bit.ly/2yE3PGA
via IFTTT