ജിയോ പ്ലാറ്റ്‌ഫോംസ് വിദേശ വിപണിയിലേയ്ക്ക്; നാസ്ദാക്കിലാകും ആദ്യലിസ്റ്റിങ്

റിലയൻസ് ഇൻഡസ്ട്രീസിന്റെ സഹോദര സ്ഥാപനമായ ജിയോ പ്ലാറ്റ്ഫോംസ് വിദേശ വിപണിയിൽ ലിസ്റ്റ് ചെയ്തേക്കും. ജിയോ പ്ലാറ്റ്ഫോമിലെ 25ശതമാനം ഉടമസ്ഥതാവകാശം റിലയൻസ് വിറ്റശേഷമായിരിക്കുമിതെന്നാണ് സൂചന. യുഎസ് വിപണിയായ നാസ്ദാക്കിലായിരിക്കും ആദ്യമായി ലിസ്റ്റ് ചെയ്യുക. 2021ൽ നടപടികൾ പൂർത്തിയാക്കാനാണ് ഉദ്ദേശിക്കുന്നത്. കഴിഞ്ഞ ഒരുമാസത്തിനിടെ അഞ്ച് പ്രമുഖ വിദേശ സ്ഥാപനങ്ങളാണ് 78,562 കോടി രൂപ ജിയോ പ്ലാറ്റ്ഫോമിൽ നിക്ഷേപം നടത്തിയത്. കമ്പനിയുടെ 17.12ശതമാനം ഉടമസ്ഥതാവകാശമാണ് ഇതിലൂടെ ഇവർക്ക് കൈമാറിയത്. വിദേശ വിപണിയിൽ ലിസ്റ്റ് ചെയ്യുന്നതിനുള്ള സർക്കാർ മാനദണ്ഡങ്ങൾ പാലിച്ചുകഴിഞ്ഞാൽ ആഗോള വിപണിയിലേയ്ക്ക് ചുവടുവെയ്ക്കാനാണ് കമ്പനി ലക്ഷ്യമിടുന്നത്. ധനമന്ത്രി നിർമല സീതാരാമൻ മെയ് 17ന്നടത്തിയ പ്രഖ്യാപനത്തിൽ ഇന്ത്യൻ കമ്പനികൾക്ക് വിദേശ വിപണികളിൽ ലിസ്റ്റ് ചെയ്യുന്നതിന് സൗകര്യമൊരുക്കുമെന്ന് വ്യക്തമാക്കിയിരുന്നു. ഇതിന്റെ മാർഗനിർദേശങ്ങൾ തയ്യാറായിവരുന്നതേയുള്ളൂ. Reliance looks at Nasdaq listing for Jio Platforms

from money rss https://bit.ly/3guZgj4
via IFTTT