ബാങ്കുകള്‍ താമസിയാതെ മിക്കവാറും ശാഖകള്‍ അടച്ചിട്ടേക്കും

ന്യൂഡൽഹി: രാജ്യത്ത് 21 ദിവസത്തെ അടച്ചിടൽ പ്രഖ്യാപിച്ച സാഹചര്യത്തിൽ ജീവനക്കാരെ കോവിഡ് ബാധയിൽനിന്ന് രക്ഷിക്കാൻ ബാങ്കുകൾ ശാഖകളേറെയും അടച്ചിട്ടേക്കും. പ്രധാന നഗരങ്ങളിൽ അഞ്ചുകിലോമീറ്ററിനുള്ളിൽ ഒരു ശാഖമാത്രം തുറന്നാൽമതിയാകുമെന്നാണ് ഇതുമായി ബന്ധപ്പെട്ടവർ പറയുന്നത്. ഗ്രാമങ്ങിളാകട്ടെ ഭൂരിഭാഗംപേരും പണമിടപാടുകൾക്ക് ആശ്രയിക്കുന്നത് ബാങ്ക് ശാഖകളെയാണ്. ഇവിടങ്ങളിൽ ഒന്നിടവിട്ട ദിവസങ്ങളിൽ പ്രവർത്തിച്ചാൽ മതിയോയെന്നാണ് ആലോചിക്കുന്നത്. കേഷമ പെൻഷൻ ഉൾപ്പടെയുള്ള ആനുകൂല്യങ്ങൾ വിതരണം ചെയ്യുന്നത് ബാങ്കുകൾ വഴിയാണ്. ധനമന്ത്രി നിർമല സീതാരാമൻ പ്രഖ്യാപിച്ച 1.70 ലക്ഷംകോടി രൂപയുടെ സാമ്പത്തിക പാക്കേജിൽ, സാധാരണക്കാർക്കുള്ള ആനുകൂല്യങ്ങൾ ബാങ്കുവഴി വിതരണം ചെയ്യുമെന്നാണ് പ്രഖ്യാപിച്ചിട്ടുള്ളത്. രാജ്യത്തെ 130 കോടി ജനങ്ങൾ പണമിടപാടിനായി ആശ്രയിക്കുന്നതിനാൽ ബാങ്കിനെ അവശ്യസർവീസായി പരിഗണിച്ച് അടച്ചിടലിൽനിന്ന് ഒഴിവാക്കിയിരുന്നു. അതേസമയം, ബാങ്ക് ശാഖകൾ അടച്ചിടുന്നകാര്യത്തിൽ അധികൃതർ ഇതുവരെ പ്രതികരിക്കാൻ തയ്യാറായിട്ടില്ല.

from money rss https://bit.ly/3btdRrE
via IFTTT