Story Dated: Friday, January 2, 2015 12:30
കോഴിക്കോട്: കാലിക്കറ്റ് സര്‍വകലാശാല കാമ്പസിലെ എസ്.എഫ്.ഐ സമരം പൊളിക്കാന്‍ ഉപാധിയുമായി പോലീസ്. സര്‍വകലാശാലയിലെ ലൈബ്രറി പൂട്ടണമെന്നാണ് പോലീസിന്റെ നിര്‍ദേശം. എസ്.എഫ്.ഐ പ്രവര്‍ത്തകര്‍ സമരം നടത്തുന്നത് ലൈബ്രറിക്കു മുന്നിലായതിനാലാണ് പോലീസ് ഈ നിര്‍ദേശം വച്ചത്. എന്നാല്‍ ലൈബ്രറി പൂട്ടാന്‍ അനുവദിക്കില്ലെന്ന് അധ്യാപകര്‍ വ്യക്തമാക്കി.
അതിനിടെ, സമരം അവസാനിപ്പിക്കണമെന്ന് പോലീസ് വിദ്യാര്‍ത്ഥികളോട് ആവശ്യപ്പെട്ടു. ഇത് അംഗീകരിക്കാന്‍ വിദ്യാര്‍ത്ഥികള്‍ തയ്യാറാകാത്തതോടെ പോലീസ് ബലം പ്രയോഗിച്ച് വിദ്യാര്‍ത്ഥികളെ നീക്കാന്‍ ശ്രമിച്ചത് സംഘര്‍ഷത്തിനിടയാക്കി. വിദ്യാര്‍ത്ഥികളുടെ കസേരകളും കട്ടിലുകളും പോലീസ് നീക്കം ചെയ്തു.
പോലീസ് നടപടിയില്‍ പതിഷേധിച്ച് ഡി.വൈ.എഫ്.ഐ പ്രവര്‍ത്തകര്‍ കാമ്പസിലേക്ക് മാര്‍ച്ച് നടത്തി.
from kerala news edited
via IFTTT
മുംബൈ: പുതുവര്‍ഷത്തിന്റെ ആദ്യദിനത്തില്‍ ഓഹരി വിപണികളില്‍ കാര്യമായ നേട്ടമില്ല. നഷ്ടത്തോടെ തുടങ്ങിയ വിപണികള്‍ നേരിയ നേട്ടത്തോടെയാണ് വ്യാപാരം അവസാനിപ്പിച്ചത്. സെന്‍സെക്‌സ് സൂചിക 8.12 നേട്ടത്തോടെ 27507.54ലും നഫ്റ്റി സൂചിക 1.30 പോയന്റ് നേട്ടത്തോടെ 8284ലുമാണ് ക്ലോസ് ചെയ്തത്.
ന്യൂഡല്‍ഹി: സബ്‌സിഡിയില്ലാത്ത എല്‍പിജി സിലിണ്ടറിന്റെ വില 43.50 രൂപ കുറച്ചു. അന്താരാഷ്ട്ര വിപണിയില്‍ എണ്ണവില 2009 മെയിലേതിനേക്കാള്‍ കുറഞ്ഞ സാഹചര്യത്തിലാണിത്.
ന്യൂഡല്‍ഹി: ആസുത്രണ കമ്മീഷന് പകരമുള്ള പുതിയ സംവിധാനത്തിന് നീതി അയോഗ് എന്ന് പേര് നല്‍കി. കഴിഞ്ഞ ദിവസം ചേര്‍ന്ന് കേന്ദ്രമന്ത്രിസഭാ യോഗത്തിലാണ് തീരുമാനം.
