മിഡ്‌വെസ്റ്റ് മലയാളി അസോസിയേഷന്‍ ക്രിസ്തുമസ്- പുതുവത്സരം ആഘോഷിച്ചു
Posted on: 11 Jan 2015
ഷിക്കാഗോ: മിഡ്‌വെസ്റ്റ് മലയാളി അസോസിയേഷന്റെ ആഭിമുഖ്യത്തില്‍ ക്രിസ്തുമസ്- പുതുവത്സരാഘോഷം മൗണ്ട് പ്രോസ്പക്ടസിലുള്ള കണ്‍ട്രി ഇന്നില്‍ വെച്ച് നടത്തി.
ബെന്‍സണ്‍& സീലിയ പാലമലയുടെ ദേശീയ ഗാനാലാപനത്തോടുകൂടി ആരംഭിച്ച ചടങ്ങില്‍ അസോസിയേഷന്‍ പ്രസിഡന്റ് ഹെറാള്‍ഡ് ഫിഗുരേദോ സ്വാഗതം ആശംസിക്കുകയും ഭദ്രദീപം തെളിയിച്ച് ഉദ്ഘാടനം നിര്‍വഹിക്കുകയും ചെയ്തു. 2015 ഏവര്‍ക്കും സമൃദ്ധിയുടേയും സാഹോദര്യത്തിന്റേയും വര്‍ഷമായിരിക്കട്ടെ എന്ന് അദ്ദേഹം ആശംസിച്ചു.
ചടങ്ങില്‍ വര്‍ഗീസ് പാലമലയില്‍, തോമസ് മാത്യു, അഗസ്റ്റിന്‍ കരിങ്കുറ്റിയില്‍, സതീശന്‍ നായര്‍, ബേസല്‍ പെരേര, വിജി നായര്‍ തുടങ്ങിയവര്‍ പുതുവത്സരാശംസകള്‍ നേര്‍ന്നു.
ആഘോഷ പരിപാടികളോടനുബന്ധിച്ച് കുട്ടികളുടെ കലാപരിപാടികളും ഉണ്ടായിരുന്നു. വിവിധ പരിപാടികള്‍ക്ക് അരവിന്ദ് പിള്ള, സ്റ്റീഫന്‍ കിഴക്കേക്കുറ്റ് തുടങ്ങിയവര്‍ നേതൃത്വം നല്‍കി. സെക്രട്ടറി റോയി നെടുംചിറ ഏവര്‍ക്കും നന്ദി അറിയിച്ചു.
ജോയിച്ചന്‍ പുതുക്കുളം
from kerala news edited
via IFTTT
ഷിക്കാഗോ: പത്തനംതിട്ട ഉതിമൂട് കൊരട്ടിക്കര ഫിലിപ്പ് ഏബ്രഹാം (ബേബിക്കുട്ടി 67) ഡെസ്പ്ലയന്‍സില്‍ അന്തരിച്ചു. വെയ്ക്ക് സര്‍വീസ് ഡെസ്പ്ലയന്‍സിലെ മാര്‍ത്തോമ്മ ചര്‍ച്ചില്‍ ജനവരി 12 തിങ്കളാഴ്ച വൈകുന്നേരം 5 മുതല്‍ 8 വരെ.
മക്ക : മലയാളി മക്കയില്‍ മരിച്ചു. കൊണ്ടോട്ടി കാന്തക്കാട് ജി .എം .യു .പി സ്‌കൂളിനു സമീപം എകളത്തില്‍ മൊയ്തീന്‍കുട്ടി ഹാജി (56 )ആണ് മരിച്ചത്. മൃതദേഹം മസ്ജിദുല്‍ ഹറമിലെ ജനാസനിസ്‌കാരത്തിനു ശേഷം ജന്നത്തുല്‍ മുഅല്ല ശ്മശാനത്തില്‍ ഖബറടക്കി.
