Story Dated: Sunday, January 11, 2015 07:48
കൊണ്ടോട്ടി:നാടന്‍ കലാ പരിശീലനത്തിനെത്തിയ പ്ലസ്‌ടു വിദ്യാര്‍ത്ഥിനിയെ പീഢിപ്പിച്ച ഗര്‍ഭിണിയാക്കിയ യുവാവിനെ പോലീസ്‌ അറസ്‌റ്റ്‌ ചെയ്‌തു. കിഴിശ്ശേരി പള്ളിക്കുന്നത്ത്‌ ചേവായി മോഹന്‍ദാസി(32)നെയാണ്‌ കൊണ്ടോട്ടി സി.ഐ.ബി.സന്തോഷ്‌ അറസ്‌റ്റ്‌ ചെയ്‌തത്‌.
യുവാവ്‌ കിഴിശ്ശേരിയില്‍ നടത്തുന്ന നാടന്‍കലാ കേന്ദ്രത്തില്‍ നാടന്‍പാട്ട്‌ പരിശീലിക്കാനെത്തിയ വിദ്യാര്‍ത്ഥിനിയാണ്‌ പീഢനത്തിനിരയായത്‌.കഴിഞ്ഞ മെയ്‌ മുതല്‍ പീഢനത്തിനിരയായ പെണ്‍കുട്ടി ഗര്‍ഭിണിയായി. കഴിഞ്ഞ ഡിസംബര്‍ അഞ്ചിന്‌ മഞ്ചേരി സ്വകാര്യാസ്‌പത്രിയില്‍ പ്രസവിച്ച കുഞ്ഞിനെ ചൈല്‍ഡ്‌ലൈന്‍ പ്രവര്‍ത്തകര്‍ക്ക്‌ കൈമാറുകയായിരുന്നു.
കഴിഞ്ഞദിവസമാണ്‌ പെണ്‍കുട്ടിയുടെ പിതാവ്‌ പോലീസില്‍ പരാതിപ്പെട്ടത്‌. മോഹന്‍ദാസ്‌ സംസ്‌ഥാനത്തെ വിവിധ സ്‌കൂളുകളില്‍ നാടന്‍പാട്ട്‌ പരിശീലനം നടത്തുന്നയാളാണ്‌. കലാമേളകളില്‍ ഇയാള്‍ സ്‌ഥിരം സാന്നിധ്യമാണ്‌. വെള്ളിയാഴ്‌ച വൈകുന്നേരം കിഴിശ്ശേരിയില്‍ നിന്നും പിടികൂടിയ യുവാവിനെ മലപ്പുറം ഒന്നാം ക്ലാസ്‌ ജുഡീഷ്യല്‍ മജിസ്‌ട്രേട്ട്‌ കോടതിയില്‍ ഹാജരാക്കി. കോടതി 15 ദിവസത്തേക്ക്‌ റിമാന്‍ഡ്‌ ചെയ്‌ത ഇയാളെ മഞ്ചേരി സബ്‌ജയിലിലേക്ക്‌ മാറ്റി.
from kerala news edited
via IFTTT
