Story Dated: Wednesday, February 11, 2015 12:00
തിരുവനന്തപുരം: ദേശീയ ഗെയിംസ്‌ സൈക്ലിംഗില്‍ മൂന്നാം സ്വര്‍ണം നേടി അഞ്‌ജിത കേരളത്തിന്‌ 22 ാം സ്വര്‍ണ്ണം സമ്മാനിച്ചു. വനിതകളുടെ മൂന്നു കിലോമീറ്റര്‍ വ്യക്‌തിഗത പഴ്‌സ്യൂട്ടില്‍ ടി.പി അഞ്‌ജിതയാണു സൈക്ലിംഗില്‍ കേരളത്തിനായി മൂന്നാം സ്വര്‍ണ്ണം കുറിച്ചത്‌. സൈക്ലിംഗില്‍ കേരളത്തിന്റെ കെസിയ വര്‍ഗീസിനു വെള്ളി നേടിയിരുന്നു.
സൈക്ലിംഗ്‌ 500 മീറ്റര്‍ ടൈം ട്രയല്‍ വനിതാവിഭാഗത്തിലാണു കെസിയ വെള്ളി നേടിയത്‌. നേരത്തേ വനിതാ വിഭാഗം 10 കിലോമീറ്റര്‍ സ്‌ക്രാച്ച്‌ റേസില്‍ മഹിത മോഹന്‍ കേരളത്തിനു സ്വര്‍ണ്ണമെഡല്‍ സമ്മാനിച്ചിരുന്നു. ഈയിനത്തില്‍ വി. രജനി വെള്ളിയും എസ്‌.ബിസ്‌മി വെങ്കല മെഡലും സ്വന്തമാക്കി കേരളത്തിന്‌ മെഡലുകള്‍ സമ്മാനിച്ചു.കയാക്കിംഗ്‌ ഡബിള്‍സ്‌ വനിതാവിഭാഗത്തില്‍ അനുഷ, മിനിമോള്‍ ടീമാണു വെങ്കലം നേടിയത്‌.
അതേസമയം, കേരളത്തിനായി ഇനി മല്‍സരിക്കാനില്ലെന്ന്‌ സൈക്ലിങ്ങില്‍ സ്വര്‍ണം നേടിയ മഹിത മോഹനും വി.രജനിയും പറഞ്ഞു. പരിശീലനത്തിനായി സര്‍ക്കാര്‍ അവധി അനുവദിക്കുന്നില്ല. മല്‍സരങ്ങള്‍ക്കായി അവധി എടുക്കുന്നതു മൂലം ആനുകൂല്യങ്ങള്‍ തടഞ്ഞുവച്ചിരിക്കുകയാണെന്നും ഇരുവരും ആരോപിച്ചു.
from kerala news edited
via IFTTT
മാഞ്ചസ്റ്റര്‍: ഈ കഴിഞ്ഞ ശനിയാഴ്ച്ച നടന്ന വാര്‍ഷിക പൊതുയോഗത്തില്‍ മാഞ്ചസ്റ്റര്‍ മലയാളി അസോസിയേഷന്റെ ഈ വര്‍ഷത്തെ സാരഥികളെ തിരഞ്ഞെടുത്തു. പോള്‍സണ്‍ തോട്ടപള്ളിയുടെ അധ്യക്ഷതയില്‍ ചെര്‍ന്ന യോഗത്തില്‍ കഴിഞ്ഞ വര്‍ഷത്തെ പ്രവര്‍ത്തന റിപ്പോര്‍ട്ടും കണക്കുകളും വായിച്ചു സംശയ നിവാരണം നടത്തി ജനറല്‍ ബോഡി പാസാക്കി . തുടര്‍ന്നുള്ള തിരഞ്ഞെടുപ്പില്‍ എതിരില്ലാതെ പോള്‍സണ്‍ തോട്ടപള്ളിയെ പ്രസിഡന്റ് ആയും, ജോസഫ് മാത്യു (ജോബി)വിനെ സെക്രട്ടറി ആയും , ശ്രി ജോര്‍ജ് വടക്കുംചേരിയെ ട്രെഷറര്‍ ആയും ജനറല്‍ ബോഡി തിരഞ്ഞെടുത്തു .
ഇവരെ കൂടാതെ ബെന്‍സി സാജു (വൈസ് പ്രസിഡന്റ്) , നിഷ പ്രമോദ് കേഡിയ (ജോയിന്റ് സെക്രട്ടറി) , ഷാജിമോന്‍ കെ ഡി , ഹാന്‍സ് ജോസഫ്, മാത്യു ജെയിംസ് (ഏലൂര്‍ ), ജനേഷ് നായര്‍ , ജോമി ജോസ് , ബിന്ദു കുരിയന്‍ , നിഷ ശരത് നായര്‍ , റീന വില്‍സണ്‍ എന്നിവരെ എക്‌സിക്യൂട്ടീവ് കമ്മിറ്റിയിലേക്കും പോള്‍സണ്‍ തോട്ടപള്ളി, മാത്യു ജെയിംസ് (ഏലൂര്‍ ), സാജു കാവുങ്ങല്‍ എന്നിവരെ യു.യു.കെ.എം.എ പ്രധിനിധികളായും തിരഞ്ഞെടുത്തു.
പുതിയ കമ്മിറ്റിയുടെ നേതൃത്വത്തില്‍ ഡാന്‍സ് ക്ലാസ്സുകളും മലയാളം ക്ലാസ്സുകളും ഫെബ്രുവരി 28ാം തീയതി മുതല്‍ ആരംഭിക്കുന്നതാണെന്ന് സെക്രട്ടറി അറിയിച്ചു.
