Story Dated: Wednesday, February 11, 2015 12:00
തിരുവനന്തപുരം: ദേശീയ ഗെയിംസ്‌ സൈക്ലിംഗില്‍ മൂന്നാം സ്വര്‍ണം നേടി അഞ്‌ജിത കേരളത്തിന്‌ 22 ാം സ്വര്‍ണ്ണം സമ്മാനിച്ചു. വനിതകളുടെ മൂന്നു കിലോമീറ്റര്‍ വ്യക്‌തിഗത പഴ്‌സ്യൂട്ടില്‍ ടി.പി അഞ്‌ജിതയാണു സൈക്ലിംഗില്‍ കേരളത്തിനായി മൂന്നാം സ്വര്‍ണ്ണം കുറിച്ചത്‌. സൈക്ലിംഗില്‍ കേരളത്തിന്റെ കെസിയ വര്‍ഗീസിനു വെള്ളി നേടിയിരുന്നു.
സൈക്ലിംഗ്‌ 500 മീറ്റര്‍ ടൈം ട്രയല്‍ വനിതാവിഭാഗത്തിലാണു കെസിയ വെള്ളി നേടിയത്‌. നേരത്തേ വനിതാ വിഭാഗം 10 കിലോമീറ്റര്‍ സ്‌ക്രാച്ച്‌ റേസില്‍ മഹിത മോഹന്‍ കേരളത്തിനു സ്വര്‍ണ്ണമെഡല്‍ സമ്മാനിച്ചിരുന്നു. ഈയിനത്തില്‍ വി. രജനി വെള്ളിയും എസ്‌.ബിസ്‌മി വെങ്കല മെഡലും സ്വന്തമാക്കി കേരളത്തിന്‌ മെഡലുകള്‍ സമ്മാനിച്ചു.കയാക്കിംഗ്‌ ഡബിള്‍സ്‌ വനിതാവിഭാഗത്തില്‍ അനുഷ, മിനിമോള്‍ ടീമാണു വെങ്കലം നേടിയത്‌.
അതേസമയം, കേരളത്തിനായി ഇനി മല്‍സരിക്കാനില്ലെന്ന്‌ സൈക്ലിങ്ങില്‍ സ്വര്‍ണം നേടിയ മഹിത മോഹനും വി.രജനിയും പറഞ്ഞു. പരിശീലനത്തിനായി സര്‍ക്കാര്‍ അവധി അനുവദിക്കുന്നില്ല. മല്‍സരങ്ങള്‍ക്കായി അവധി എടുക്കുന്നതു മൂലം ആനുകൂല്യങ്ങള്‍ തടഞ്ഞുവച്ചിരിക്കുകയാണെന്നും ഇരുവരും ആരോപിച്ചു.
from kerala news edited
via IFTTT
