Story Dated: Wednesday, January 21, 2015 04:20
മധുര: കുടുംബ വഴക്കിനെ തുടര്ന്ന് വനിതാ കോണ്‍സ്‌റ്റബിള്‍ പോലീസ്‌ സ്‌റ്റേഷനില്‍ സ്വയം വെടിവച്ചുമരിച്ചു. തമിഴ്‌നാട്ടിലെ നഗുനാകുളം പോലീസ്‌ സ്‌റ്റേഷനിലെ വനിതാ കോണ്‍സ്‌റ്റബിളായ കറുപ്പയ്യി(31)യാണ്‌ ആത്മഹത്യ ചെയ്‌തത്‌. രാത്രിയിലെ ജോലിക്കിടയില്‍ ഇവര്‍ സര്‍വ്വീസ്‌ തോക്കുപയോഗിച്ച്‌ തലയിലേക്ക്‌ സ്വയം വെടിയുതിര്‍ക്കുകയായിരുന്നു.
ഭര്‍ത്താവുമായുള്ള പ്രശ്‌നങ്ങളാകാം മരണ കാരണമെന്നാണ്‌ പോലീസ്‌ നിഗമനം. കഴിഞ്ഞ ദിവസവും ഇവര്‍ ഭര്‍ത്താവുമായി വഴക്കിട്ടിരുന്നതായി പോലീസ്‌ പറഞ്ഞു. കറുപ്പയ്യിയുടെ കല്ല്യാണം ഏഴ്‌ വര്‍ഷം മുമ്പ്‌ കഴിഞ്ഞിരുന്നു. പട്ടാളക്കാരനായ ഇവരുടെ ഭര്‍ത്താവ്‌ കുറച്ച്‌ ദിവസങ്ങള്‍ക്ക്‌ മുമ്പ്‌ നാട്ടില്‍ തിരികെയെത്തി. അവധി കഴിഞ്ഞിട്ടും ഇയാള്‍ തിരികെ ജോലിയില്‍ പ്രവേശിച്ചിരുന്നില്ല. കാര്യം തിരക്കിയപ്പോള്‍ താന്‍ ജോലി ഉപേക്ഷിച്ചതായി ഭര്‍ത്താവ്‌ വെളിപ്പെടുത്തിയതായി സഹപ്രവര്‍ത്തകരോട്‌ കറുപ്പയ്യി പറഞ്ഞിരുന്നു. ഈ സംഭവത്തിന്‌ ശേഷം കറുപ്പയ്യി അസ്വസ്‌ഥയായിരുന്നു. കുടിയനായ ഭര്‍ത്താവിന്റെ കടുത്ത നിലപാടും കുടുംബ വഴക്കുമാകാം മരണ കാരണമെന്നാണ്‌ പോലീസ്‌ പറയുന്നത്‌.
from kerala news edited
via IFTTT
മുംബൈ: ഓഹരിവിപണിയില്‍ റെക്കോര്‍ഡ് മുന്നേറ്റം തുടരുന്നു. സെന്‍സെക്‌സ് 119.72 പോയിന്റ് ഉയര്‍ന്ന് 28,904.39 പോയിന്റിലും നിഫ്റ്റി 31.85 പോയിന്റ് ഉയര്‍ന്ന് 8,727.45 പോയിന്റിലുമാണ് വ്യാപാരം ആരംഭിച്ചത്.
ന്യൂഡല്‍ഹി: പ്രധാനമന്ത്രി ജന്‍ധന്‍ യോജന പ്രകാരം പുതുതായി തുറന്നത് 11.5 കോടി ബാങ്ക് അക്കൗണ്ടുകള്‍. ഇത് ഗിന്നസ് േേറക്കാഡാണെന്ന് ധനമന്ത്രി അരുണ്‍ ജെയ്റ്റ്‌ലി വാര്‍ത്താസമ്മേളനത്തില്‍ പറഞ്ഞു.
ന്യൂഡല്‍ഹി: ഓഹരി വിപണികള്‍ വീണ്ടും റെക്കോഡ് നേട്ടം തിരിച്ചുപിടിച്ചു. സെന്‍സെക്‌സ് സൂചിക 567 പോയന്റ് ഉയര്‍ന്ന് 28829.29ലെത്തി. നിഫ്റ്റിയാകട്ടെ 8700 ഭേദിച്ചു. 522.66 പോയന്റ് നേട്ടത്തില്‍ സെന്‍സെക്‌സ് 28,784.67ലും 144.90 പോയന്റ് ഉയര്‍ന്ന് നിഫ്റ്റി 8,695.60ലുമാണ് വ്യാപാരം അവസാനിപ്പിച്ചത്. ലോഹം,ബാങ്ക്, എഫ്എംസിജി തുടങ്ങിയ വിഭാഗങ്ങളിലെ ഓഹരികളാണ് പ്രധാനമായും നേട്ടമുണ്ടാക്കിയത്.
കൊച്ചി: അമ്പലമേട് എണ്ണശുദ്ധീകരണ ശാലയുടെ വിപുലീകരണ പ്രവര്‍ത്തനങ്ങള്‍ പൂര്‍ത്തിയാകുന്നതോടെ 2016 ഏപ്രില്‍ മുതല്‍ ഭാരത് സ്റ്റേജ്-4 ഇന്ധനം കേരളത്തില്‍ ലഭ്യമാകും. ഇതിനു മുന്നോടിയായി ഈ വര്‍ഷം മാര്‍ച്ച് മുതല്‍ കൊച്ചിയിലും തിരുവനന്തപുരത്തും ഭാരത് സ്റ്റേജ്-4 ഇന്ധനം ലഭ്യമാക്കും. മികച്ച ഗുണമേന്മയോടൊപ്പം ഇന്ധനക്ഷമതയും പരിസ്ഥിതി സൗഹൃദവും ഉറപ്പ് വരുത്തുന്നതാകും ഇത്. പെട്രോള്‍, ഡീസല്‍ എന്നിവയില്‍ നിന്ന് സള്‍ഫറിന്റെ അംശം കുറച്ചാണ് ഭാരത് സ്റ്റേജ്-4 ഇന്ധനം ഉണ്ടാക്കുക. അന്തരീക്ഷ മലിനീകരണം കുറയ്ക്കുന്നതിന്റെ ഭാഗമായി 2017 മുതല്‍ രാജ്യത്ത് വിതരണം ചെയ്യുന്ന മുഴുവന്‍ ഇന്ധനവും ഈ വിഭാഗത്തില്‍പ്പെടുന്നതായിരിക്കണമെന്ന നിര്‍ദ്ദേശമുണ്ട്.
