വിപണി കുതിച്ചു: 200 ഓഹരികള്‍ 52 ആഴ്ചയിലെ ഉയര്‍ന്ന നിലവാരത്തില്‍
ന്യൂഡല്‍ഹി: ഓഹരി വിപണികള്‍ വീണ്ടും റെക്കോഡ് നേട്ടം തിരിച്ചുപിടിച്ചു. സെന്‍സെക്‌സ് സൂചിക 567 പോയന്റ് ഉയര്‍ന്ന് 28829.29ലെത്തി. നിഫ്റ്റിയാകട്ടെ 8700 ഭേദിച്ചു. 522.66 പോയന്റ് നേട്ടത്തില്‍ സെന്‍സെക്‌സ് 28,784.67ലും 144.90 പോയന്റ് ഉയര്‍ന്ന് നിഫ്റ്റി 8,695.60ലുമാണ് വ്യാപാരം അവസാനിപ്പിച്ചത്. ലോഹം,ബാങ്ക്, എഫ്എംസിജി തുടങ്ങിയ വിഭാഗങ്ങളിലെ ഓഹരികളാണ് പ്രധാനമായും നേട്ടമുണ്ടാക്കിയത്.സെന്‍സെക്‌സില്‍ 197 കമ്പനികളാണ് 52 ആഴ്ചയിലെ ഏറ്റവും മികച്ച വിലയിലെത്തിയത്. ആക്‌സിസ് ബാങ്ക്, ബോഷ്, എച്ച്ഡിഎഫ്‌സി ബാങ്ക്, എച്ച്ഡിഎഫ്‌സി, ഐസിഐസിഐ ബാങ്ക്, എംആര്‍എഫ്, ടാറ്റ മോട്ടോഴ്‌സ്, യുണൈറ്റഡ് സ്പിരിറ്റ്‌സ്, യെസ് ബാങ്ക്, ശ്രീ സിമെന്റ്‌സ് തുടങ്ങിയവയാണ് മികച്ച നേട്ടമുണ്ടാക്കിയത്.
നിഫ്റ്റിയിലാകട്ടെ, 92 ഓഹരികളും 52 ആഴ്ചയിലെ മികച്ച ഉയരംതൊട്ടു. യെസ് ബാങ്ക്, ബിഎഎസ്എഫ്, അംബുജ സിമന്റ്‌സ്, എല്‍ഐസി ഹൗസിങ്, എംആര്‍എഫ്, ആക്‌സിസ് ബാങ്ക്, എച്ച്ഡിഎഫ്‌സി, ഐഡിഎഫ്‌സി സ്പാര്‍ക് തുടങ്ങിയവ അവയില്‍ ചിലത് മാത്രം.
ബജറ്റ് പ്രതീക്ഷയാണ് വിപണിയിലെ പുതിയ കുതിപ്പിന് കാരണം. രാജ്യത്തെ വ്യവസായ വളര്‍ച്ചയ്ക്ക് അനുകൂലമായ സാമ്പത്തിക പരിഷ്‌കാരങ്ങളാണ് വിപണി ഉറ്റുനോക്കുന്നത്.
from kerala news edited
via IFTTT
