Story Dated: Wednesday, December 17, 2014 02:04
: ലക്ഷങ്ങള്‍ തട്ടിയെടുത്ത കൃഷിഓഫീസറെ സസ്‌പെന്‍ഡ്‌ ചെയ്തു. അരിക്കുളം കൃഷി ഓഫീസര്‍ ജിഷമോളെയാണ്‌ ഹൈടെക്‌ കൃഷിയുടെ പേരില്‍ ലക്ഷങ്ങള്‍ തട്ടിയെടുത്തതിന്റെ പേരില്‍ അന്വേഷണ വിധേയമായി സസ്‌പെന്‍ഡ്‌ ചെയ്‌തത്‌.
വിജിലന്‍സില്‍ കൃഷി വകുപ്പ് ഉദ്യോഗസ്‌ഥര്‍ക്ക്‌ നല്‍കിയ പരാതിയുടെ അടിസ്‌ഥാനത്തില്‍ നടത്തിയ അന്വേഷണത്തിന്റെ അടിസ്‌ഥാനത്തിലാണ്‌ സസ്‌പെന്‍ഷന്‍. അരിക്കുളം മാവട്ടില്‍ കഴിഞ്ഞ കഴിഞ്ഞ ജൂണില്‍ ആരംഭച്ച ഹൈടെക്‌ നഴ്‌സറിയില്‍നിന്ന്‌ രണ്ടു ലക്ഷത്തോളം പച്ചക്കറി തൈകള്‍ ഉല്‍പാദിച്ചുവെന്ന്‌ കാണിച്ച്‌ അഞ്ച് ലക്ഷത്തോളം രൂപ തട്ടിയെടുത്തെന്നും കര്‍ഷകര്‍ക്ക്‌ ലഭിക്കേണ്ട പല ആനുകൂല്യങ്ങളും ദുരുപയോഗപ്പെടുത്തിയെന്നും കാണിച്ച്‌ വിജിലന്‍സിനും ഉന്നത ഉദ്യോഗസ്‌ഥര്‍ക്കും ലഭിച്ച പരാതിയില്‍ പറയുന്നു. കര്‍ഷകര്‍ക്ക്‌ സര്‍ക്കാര്‍ നല്‍കേണ്ട ആനുകൂല്യങ്ങള്‍ക്കുള്ള രേഖകളില്‍ കൃഷി ഓഫീസര്‍ ഒപ്പു വെച്ചിരിക്കുകയാണെന്നും പരാതി ഉയര്‍ന്നിരുന്നു.
from kerala news edited
via IFTTT
