Story Dated: Wednesday, December 17, 2014 09:45
വാഷിംഗ്ടണ്‍: 2016ലെ യു.എസ് പ്രസിഡന്റ് തെരഞ്ഞെടുപ്പില്‍ ബുഷ് കുടുംബത്തില്‍ നിന്നുള്ള അംഗം മത്സരരംഗത്തുണ്ടാകുമെന്ന് സൂചന. മുന്‍ പ്രസിഡന്റുമാരായ ജോര്‍ജ് ഡബ്ല്യൂ ബുഷ് സീനിയറിന്റെ മകനും ജോര്‍ജ് ഡബ്ല്യൂ ബുഷിന്റെ ഇളയ സഹോദരനുമായ ജെബ് ബുഷാണ് മത്സരിക്കാന്‍ താല്‍പര്യം പ്രകടിപ്പിച്ചത്. മുന്‍ ഫ്‌ളോറിഡ ഗവര്‍ണര്‍ കൂടിയായ ജെബ് ബുഷ് ഇക്കാര്യം ഇന്നലെ ഫേസ്ബുക്കില്‍ പോസ്റ്റു ചെയ്യുകയായിരുന്നു. തെരഞ്ഞെടുപ്പ് കമ്മിറ്റി രൂപീകരിച്ച് വരുംനാളുകള്‍ ജനങ്ങളെ സമീപിക്കുമെന്ന് ബുഷ് വ്യക്തമാക്കി. റിപ്പബ്ലിക്കന്‍ പാര്‍ട്ടി ടിക്കറ്റിലായിരിക്കും ബുഷ് മത്സരിക്കുക. വിദ്യാഭ്യാസ, എമിഗ്രേഷന്‍ വിഷയങ്ങളില്‍ ബുഷിന്റെ നിലപാട് ഇനിയുള്ള ദിവസങ്ങളില്‍ ചര്‍ച്ചയായേക്കും.
ബുഷിനൊപ്പം മറ്റൊരു പ്രമുഖ കൂടി മത്സരരംഗത്തുണ്ടാകുമെന്നാണ് സൂചന. മുന്‍ പ്രഥമ വനിതയും സ്‌റ്റേറ്റ് സെക്രട്ടറിയുമായ ഹിലരി ക്ലിന്റനാണ് ഡെമോക്രാറ്റിക് പാര്‍ട്ടി ടിക്കറ്റില്‍ സാധ്യത കല്പിക്കുന്നയാള്‍.
from kerala news edited
via IFTTT
