നൂറു രൂപ മോഷ്ടിച്ചു; ബാല വേലക്കാരനെ കെട്ടിയിട്ട് മര്‍ദ്ദിച്ചു

Story Dated: Wednesday, December 17, 2014 10:14

ന്യുഡല്‍ഹി: നൂറു രൂപയ്ക്കുള്ള കരി മോഷ്ടിച്ചുവിറ്റുവെന്ന് ആരോപിച്ച് പത്തുവയസ്സുള്ള ബാല വേലക്കാരനെ കെട്ടിയിട്ട് മര്‍ദ്ദിച്ചു. ഗാസിയാബാദിലെ ഒരു കരി വില്‍പ്പന കടയിലാണ് സംഭവം. ഒരു തൂണിനോട് ചേര്‍ന്ന് തലയ്ക്കു മുകളിലായി കൈകള്‍ കെട്ടിയിട്ട നിലയില്‍ നില്‍ക്കുന്ന കുട്ടിയുടെ ചിത്രം ഇന്നലെ ഒരു പ്രദേശിക പത്രം പുറത്തുവിട്ടതോടെയാണ് സംഭവം പുറംലോകമറിഞ്ഞത്. സംഭവത്തില്‍ അന്വേഷണം ആരംഭിച്ചതായി പോലീസ് അറിയിച്ചു. ഇതുവരെ പരാതിയൊന്നും ലലഭിച്ചിട്ടില്ല. ആരെങ്കിലും മുന്നോട്ടുവന്നാല്‍ പരാതി സ്വീകരിക്കും. സംഭവം വളവെ ഗൗരവമായാണ് കാണുന്നതെന്നും എസ്.പി ശവി ഹരി മീണ പറഞ്ഞു.

സംഭവം ബാലാവകാശ സമിതിയും ഏറ്റെടുത്തിട്ടുണ്ട്. പ്രദേശം സന്ദര്‍ശിച്ചതായും കുട്ടികളുടെ അവകാശ സംരക്ഷണത്തിനുള്ള ദേശീയ കമ്മിഷന് കത്തയച്ചതായും ബാലാവകാശ പ്രവര്‍ത്തകന്‍ തരൂണ്‍ ആചാര്യ പറഞ്ഞു. മറ്റുള്ളവര്‍ നോക്കിനില്‍ക്കേയാണ് കടയുടമ ബാലനെ മര്‍ദ്ദിച്ചത്. സംഭവസ്ഥലം ഇന്നും സന്ദര്‍ശിക്കും. ബാലനെ കണ്ടെത്തി നിജസ്ഥിതി ആരായുമെന്നും ബാലാവകാശ സംരക്ഷകര്‍ അറിയിച്ചു.

സംഭവം നടക്കുമ്പോള്‍ അതുവഴികടന്നുപോയ ഒരു ഫോട്ടോ ജേര്‍ണലിസ്‌റ്ാണ് ചിത്രം പകര്‍ത്തിയത്. ബാലനെ മര്‍ദ്ദിക്കുന്നത് കാണാന്‍ നിരവധി പേര്‍ കൂടിനിന്നുവെങ്കിലും ആരും ഇടപെടാന്‍ തയ്യാറായില്ലെന്ന് ഫോട്ടോഗ്രാഫര്‍ പറഞ്ഞു. ഇടപെടാന്‍ ശ്രമിച്ച തന്നെ കടയില്‍ നിന്ന് പുറത്താക്കി ഷട്ടര്‍ ഇട്ടുവെന്നും ഇയാള്‍ പറഞ്ഞു.

from kerala news edited

via IFTTT