ബഹ്‌റൈന്‍ ലാല്‍ കെയെര്‍സ് ചികിത്സാ ധനസഹായം നല്കി
Posted on: 21 Dec 2014
ബഹറിനില്‍ ഒരു കണ്‍സ്ട്രക്ഷന്‍ കമ്പനിയില്‍ െ്രെഡവര്‍ ആയി ജോലി ചെയ്യുന്ന ആലപ്പുഴ, നൂറനാട് സ്വദേശി വിജയന്‍റെ നാലു വയസ്സുള്ള മകന്‍ വിജയകൃഷ്ണന്‍ ചെറുപ്പത്തിലെ ഹൃദയ ശസ്ത്രക്രിയ കഴിഞ്ഞ് ഇപ്പോഴും എറണാകുളം അമൃത ആശുപത്രിയില്‍ വിദഗ്ദ ചികിത്സയില്‍ ആണ്.
ബഹ്‌റൈന്‍ ലാല്‍ കെയെര്‍സ് നടത്തി വരുന്ന ജീവകാരുണ്യ പ്രവര്‍ത്തനങ്ങളുടെ ഭാഗം ആയി വിജയകൃഷ്ണന്റെ ചികിത്സയ്ക്കായുള്ള ചെറിയ ധനസഹായം വിജയനെ കണ്ടു ലാല്‍ കെയെര്‍സ് ഭാരവാഹികള്‍ ആയ ജഗത് കൃഷ്ണകുമാര്‍, ഫൈസല്‍ എഫ് എം, പ്രമോദ് എടപ്പാള്‍, മറ്റു അംഗങ്ങള്‍ ആയ അരുണ്‍, ശ്യാം എന്നിവര്‍ ചേര്‍ന്ന് കൈമാറി.
പത്താം ക്ലാസ്സില്‍ പഠിക്കുമ്പോള്‍ സ്വന്തം നാട്ടിലെ ഒരു കുരുന്നു ജീവന്‍ രക്ഷിക്കാന്‍ കാണിച്ച ധൈര്യത്തിനും ആത്മാര്‍ഥതയ്ക്കും രാഷ്ട്രപതി കെ ആര്‍ നാരായണന്റെ കൈയ്യില്‍ നിന്നും ജീവന്‍ രക്ഷാ പതക് നേടിയ വിജയന്‍ ഇപ്പോള്‍ സ്വന്തം കുടുംബത്തെയും കുട്ടിയേയും രക്ഷിക്കാന്‍ പെടാപ്പാട് പെടുകയാണ്.
വിജയനുമായി നേരിട്ട് ബന്ധപ്പെടാനും സാമ്പത്തിക സഹായം നല്‍കാനും ആഗ്രഹിക്കുന്നവര്‍ അദ്ധേഹത്തെ ഫോണില്‍ ബന്ധപ്പെടാം എന്നും ലാല്‍ കെയെര്‍സ് ഭാരവാഹികള്‍ അറിയിച്ചു. വിജയനെ വിളിക്കേണ്ട നമ്പര്‍ 36890008.
വാര്‍ത്ത അയച്ചത് ജഗത് കൃഷ്ണകുമാര്‍
from kerala news edited
via IFTTT
ലണ്ടന്‍: ബ്രിട്ടനിലെ ഏറ്റവും വലിയ മലയാളി സംഘടനയായ യുക്മയുടെ അടുത്ത രണ്ട് വര്‍ഷത്തേയ്ക്കുള്ള പ്രതിനിധികളായി എംഎംസിഎ (മാഞ്ചസ്റ്റര്‍ മലയാളി കള്‍ച്ചറല്‍ അസോസിയേഷന്‍) യില്‍ നിന്നും ലക്‌സന്‍ കല്ലുമാടിയ്ക്കല്‍, ആന്‍സി ജോയി, അലക്‌സ് വര്‍ഗീസ് എന്നിവര്‍ ഐക്യകണ്‌ഠേന തെരഞ്ഞെടുക്കപ്പെട്ടു.
ദോഹ: ദീര്‍ഘകാലം കേരളത്തിലെ മുഖ്യമന്ത്രിയും കേന്ദ്രമന്ത്രിയും ആയിരുന്ന ശ്രീ കെ കരുണാകരന്റെ നാലാമത് ചരമദിനം ഖത്തറില്‍ ഇന്‍കാസ് തൃശൂര്‍ ജില്ലാ കമ്മറ്റിയുടെ നേതൃത്വത്തില്‍ ആചരിക്കുന്നു . ഡിസംബര്‍ ഇരുപത്തിമൂന്നാം തിയ്യതി വൈകീട്ട് ഏഴുമണിക്ക് മമ്മൂറയില്‍ ഉള്ള സ്‌കില്‍ ഡെവലപ്പ്‌മെന്റ് സെന്റര്‍ ആഡിറ്റോറിയ ത്തില്‍ ഇന്‍കാസ്‌ന ജില്ലാ പ്രസിഡണ്ട് വലിയപുരയില്‍ മുബാറക്കിന്റെ അദ്ധ്യക്ഷതയില്‍ ചേരുന്ന സമ്മേളനം ഐ സി സി പ്രസിഡന്റ് കെ.ആര്‍. ഗിരീഷ്‌കുമാര്‍ ഉദ്ഘാടനം ചെയ്യും.
ദോഹ: പ്രവാചകന് മുഹമ്മദ് നബി യെ സത്യസന്ധമായി അടുത്തറിയാന്‍ സമൂഹം തയ്യാറാവണമെന്ന് ഖത്തര്‍ ഇന്ത്യന്‍ ഇസ്‌ലാഹി സെന്റര്‍ വൈസ് പ്രസിഡണ്ട് കെ.എന്‍. സുലൈമാന്‍ മദനി അഭ്യര്‍ത്ഥിച്ചു. ശൈഖ് അബ്ദുല്ലാഹിബ്‌നു സെയ്ദ് ആല്‍മഹ്മൂദ് ഇസ്‌ലാമിക് കള്‍ച്ചറല്‍ സെന്റര്‍, ഫനാര്‍ ഓഡിറ്റോറിയത്തില്‍ സംഘടിപ്പിച്ച പരിപാടിയില്‍ 'വിസ്മരിക്കപ്പെടുന്ന പ്രവാചകവ്യക്തിത്വം' എന്ന വിഷയത്തില്‍ സംസാരിക്കുകയായിരുന്നു അദ്ദേഹം.
ജിദ്ദ: മലയാളി യുവാവ് ജിദ്ദയില്‍ ഹൃദയാഘാതം മൂലം മരിച്ചു. പത്തനംതിട്ട തിരുവല്ല (കുറ്റൂര്‍)വെള്ളംബള്ളി ഏലിയാസ് മകന്‍ ജോസഫ് വി ഏലിയാസ് (സാബു 48) ആണ് മരിച്ചത്. ശനിയാഴ്ച വെളുപ്പിന് മുമ്പ് ജിദ്ദ നാഷണല്‍ ഹോസ്പിറ്റലില്‍ വെച്ചായിരുന്നു അന്ത്യം.
