Story Dated: Sunday, March 8, 2015 12:55
അഹമ്മദാബാദ്‌: വിവാദ ഡോക്യുമെന്ററിയുടെ ചര്‍ച്ചകള്‍ പൊടിപൊടിക്കുമ്പോള്‍ വനിതാ ദിനത്തില്‍ പുറത്തു വരുന്നത്‌ 2012ലെ ഡല്‍ഹി പീഡനമോഡല്‍ വീണ്ടും അരങ്ങേറിയെന്ന വാര്‍ത്ത. അഹമ്മദാബാദിലെ സൊള പ്രദേശത്ത്‌ ആറു വയസുകാരിയെ മാനഭംഗപ്പെടുത്തിയ ശേഷം സ്വകാര്യ ഭാഗത്ത്‌ കമ്പി കുത്തിക്കയറ്റി. ഗുരുതരമായ പരുക്ക്‌കളോടെ കുട്ടിയെ സമീപത്തുള്ള സ്വകാര്യ ആശുപത്രിയില്‍ പ്രവേശിപ്പിച്ചു.
പെണ്‍കുട്ടിയുടെ നാട്ടുകാരനായ കുശാല്‍ അനില്‍സിങ്‌ ചൗഹാനാണ്‌(24) കുട്ടിയെ പീഡിപ്പിച്ചതെന്ന്‌ പോലീസ്‌ അറിയിച്ചു. പീഡിപ്പിച്ച ശേഷം കുട്ടിയുടെ സ്വകാര്യ ഭാഗത്ത്‌ കമ്പികുത്തി കയറ്റുകയായിരുന്നു. ചൗഹാനെ പോലീസ്‌ അറസ്‌റ്റ് ചെയ്‌തു. കെട്ടിട നിര്‍മാണ തൊഴിലാളികളുടെ മകളാണ്‌ പീഡനത്തിന്‌ ഇരയായത്‌.
കുട്ടിയുടെ മാതാപിതാക്കള്‍ ജോലി ചെയ്യുന്ന കെട്ടിടത്തിന്റെ സെക്യൂരിറ്റി ജീവനക്കാരനാണ്‌ കുശാല്‍. കെട്ടിടത്തിന്‌ സമീപം കളിച്ചുകൊണ്ടിരുന്ന കുട്ടിയെ വിളിച്ചുകൊണ്ടു പോയി കുശാല്‍ പീഡിപ്പിക്കുകയും സ്വകാര്യ ഭാഗത്ത്‌ കമ്പി കുത്തിക്കയറ്റുകയുമായിരുന്നു. മാതാപിതാക്കളും മറ്റ്‌ തൊഴിലാളികളും കുട്ടിയുടെ കരച്ചില്‍ കേട്ട്‌ എത്തിയപ്പോള്‍ കുശാല്‍ രക്ഷപെട്ടിരുന്നു. പന്നീട്‌ മാതാപിതാക്കള്‍ നല്‍കിയ പരാതിയില്‍ ഇയാളെ പോലീസ്‌ അറസ്‌റ്റ് ചെയ്‌തു.
from kerala news edited
via IFTTT
