Story Dated: Friday, March 6, 2015 10:28
തിരുവനന്തപുരം: സംസ്ഥാനത്തിന്റെ ചിരകാല അഭിലാഷമായ വിഴിഞ്ഞം തുറമുഖ നിര്‍മ്മാണം ഉടന്‍ ആരംഭിക്കുമെന്ന് ഗവര്‍ണറുടെ നയപ്രഖ്യാപന പ്രസംഗം. സാമ്പത്തിക മേഖലകയില്‍ കേരളം കുതിച്ചുചാട്ടം നടത്തിയ സമയമാണിത്. മദ്യവിരുദ്ധ കേരളം പദ്ധതി നടപ്പാക്കുമെന്നും നയപ്രഖ്യാപന പ്രസംഗത്തില്‍ പറയുന്നൂ. പ്രതിപക്ഷത്തിന്റെ ബഹിഷ്‌കരണത്തിനിടെയാണ് ഗവണര്‍ണര്‍ എസ്.സദാശിവം നയപ്രഖ്യാപന പ്രസംഗം നടത്തിയത്. കണ്ണൂര്‍ വിമാനത്താവള നിര്‍മ്മാണം 2016 മേയില്‍ പൂര്‍ത്തിയാക്കും. നഗരങ്ങളില്‍ മള്‍ട്ടി ലെവല്‍ പാര്‍ക്കിംഗ് സൗകര്യം ഏര്‍പ്പെടുത്തും. തെരുവുകളില്‍ എല്‍.ഇ.ഡി ബള്‍ബുകള്‍ സ്ഥാപിക്കും.
തിരുവനന്തപുരത്തും കോന്നിയിലും സര്‍ക്കാര്‍ മെഡിക്കല്‍ കോളജുകള്‍ ആരംഭിക്കും. സര്‍ക്കാരാശുപത്രകളില്‍ കാരുണ്യ കേരളം പദ്ധതി തുടങ്ങും. ഇതില്‍പെടുത്തി ആാേഗ്യപരിശോധനകള്‍ സൗജന്യമാക്കൂം. ഐ.ടി.ഐ സ്‌കൂളില്‍ പ്ലേസ്‌മെന്റ് സെല്‍ തുടങ്ങും.
കാര്‍ഷിക, വെറ്ററിനറി സര്‍വകലാശാലകളില്‍ കര്‍ണഷകരുടെ മക്കള്‍ക്ക് സംവരണം. പട്ടികജാതി വിഭാഗത്തിലെ മികവ് പുലര്‍ത്തുന്ന വിദ്യാര്‍ത്ഥികള്‍ക്ക് അവാര്ഡ്.പട്ടിക ജാതി വിഭാഗത്തില്‍ നിന്നുള്ള സംരംഭകര്‍ക്ക് മുന്‍ഗണന നല്‍കും. 2016 ഓടെ എല്ലാ സ്‌കൂളുകളും കാമ്പസുകളും ലഹരി വിമുക്ത സെല്ലുകള്‍ ആക്കും. ആദിവാസി കുട്ടികള്‍ക്കായി ഗുരുകുലം പദ്ധതി. ഭൂരഹിതരായ ആദിവാസികള്‍ക്ക് 7093 ഏക്കര്‍ ഭൂമി നല്‍കും.
റോഡ് യാത്ര സുരക്ഷിതമാക്കാന്‍ ശുഭയാത്ര പദ്ധതി. ശെന്തുരുണിയിലും കോന്നിയിലും ഇക്കോ ടൂറിസം പദ്ധതി ഈ വര്‍ഷം പൂര്‍ത്തിയാകും. വയനാട്ടിലും നിലമ്പൂരിലും ആനത്താവളം. ഹൈവേ ആംബുലന്‍സ് സര്‍വീസ് ആരംഭിക്കും. എല്ലാ പ്രധാന റോഡുകളിലും കാമറകള്‍ സ്ഥാപിക്കും. തലശേരി- മാഹി ദേശീയപാത ഈ വര്‍ഷം. ഹൈവേ വികസനവുമായി മുന്നോട്ടുപോകും. ദേശീയപാത 47, 17 എന്നിവ 45 മീറ്റര്‍ ആക്കും. ഭൂമി ഏറ്റെടുക്കല്‍ പദ്ധതി ഊര്‍ജിതമാക്കും. കഴക്കൂട്ടം, അടൂര്‍ മാതൃകാ സുരക്ഷാ ഇടനാഴി നടപ്പാക്കും. 100 പുതിയ പാലങ്ങള്‍ നാനൂറു ദിവസത്തിനകം.
എല്ലാ ഭൂരഹിത കുടുംബം എന്ന പദ്ധതി രണ്ടാംഘട്ടം 2015 അവസാനത്തോടെ പൂര്‍ണ്ണമാകും. ലാന്‍ഡ് ആന്റ് ഡിസാസ്ട്രസ് മാനേജ്‌മെന്റ് ദേശീയതല നിലവാരത്തില്‍ രൂപീകരിക്കും. വന്യമൃഗങ്ങളുടെ ആക്രമണത്തില്‍ മരണപ്പെടുന്നവരുടെ കുടുംബങ്ങള്‍ക്കുള്ള ധനസഹായം മൂന്ന ലക്ഷം രൂപയില്‍ നിന്ന് അഞ്ചു ലക്ഷമാക്കി.
പ്രവാസി മലയാളികളെ തട്ടിപ്പില്‍ വീഴ്ത്തുന്നത് തടയുന്നതിനും പ്രശ്‌നങ്ങള്‍ പരിഹരിക്കുന്നതിനുംഎന്‍.ആര്‍.ഐ കമ്മീഷന്‍ രൂപീകരിക്കും. കൂടുതല്‍ മാവേലി സ്‌റ്റോറുകള്‍ സൂപ്പര്‍ മാര്‍ക്കറ്റുകളാക്കും.
2016ല്‍ കേരളം ജൈവ സംസ്ഥാനമാകും. ഇ ഡിസ്ട്രിക്റ്റ് പദ്ധതിയില്‍ ഇടുക്കി ആദ്യ ജില്ല. ഇടമലക്കുടി ഗ്രാമപഞ്ചായത്തില്‍ ഇതിലൂടെ മൊബൈല്‍ ഇന്റര്‍നെറ്റ് കണക്ടിവിറ്റി ലഭിച്ചു. എല്ലാ ഗ്രാമപഞ്ചായത്തുകളിലും ഇന്റര്‍നെറ്റ് കണക്ടിവിറ്റി ലഭ്യമാക്കും.
കൊച്ചി സ്മാര്‍ട്‌സിറ്റി പദ്ധതി, തിരുവനന്തപുരം ടെക്‌നോപാര്‍ക്ക് എന്നിവയ്ക്കു പുറമേ കൊച്ചി ഇന്‍ഫോപാര്‍ക്കിന്റെ അവശേഷിക്കുന്ന വികസനം രണ്ടു വര്‍ഷത്തിനകം പൂര്‍ത്തിയാകും. കൊച്ചിയിലെ നിരവധി ഐ.ടി സ്റ്റാര്‍ട്ട് അപ് വില്ലേജുകള്‍ നേട്ടമായി. ഐ.ടി മേഖലയില്‍ രണ്ടു വര്‍ഷത്തിനുള്ളില്‍ 80,000 തൊഴിലവസരം. കോഴിക്കോട് മൂന്നാമത്തെ ഐ.ടി കേന്ദ്രമാക്കും. കോഴിക്കോട് ഐ.ടി പാര്‍ക്ക് 2015 ഡിസംബറോടെ പൂര്‍ത്തിയാകും. നിരവധി സ്റ്റാര്‍ട്ട് അപുകള്‍ക്കും തുടക്കമാകും.
കെ.എസ്ആര്‍.ടി.സി കൊറിയര്‍ പാഴ്‌സല്‍ സര്‍വീസ് തുടങ്ങും. ഹൈക്കോടതിയിലെയും സുപ്രീം കോടതിയിലെയും സുപ്രധാന വിധികള്‍ മലയാളത്തില്‍ പ്രസിദ്ധീകരിക്കും.
ജി.എസ്.ടി നടപ്പാക്കും. ജവഹര്‍ ഹൗസിംഗ് സ്‌കീം പ്രകാരം വീടില്ലാത്ത എല്ലാവര്‍ക്കും വീട്. ഗ്രാണീമ മേഖലയില്‍ മഴവെള്ള സംഭരണികള്‍ വ്യാപകമാക്കും. മീനച്ചില്‍, വാമനപുരം, അച്ചിന്‍ കായല്‍, ചാലിയര്‍ എന്നിവിടങ്ങളില്‍ പുതിയ മിനി റിസര്‍വോയറുകള്‍ ,തൊടുപുഴയില്‍ ഇറിഗേഷന്‍ മ്യൂസിയം സ്ഥാപിക്കുമെന്നും നയപ്രഖ്യാപനത്തില്‍ പറയുന്നു.
ഹൈദരാബാദ്: ബോളിവുഡിലെ പരിപാടികള്‍ ട്രിനിഡാഡിലും ടൊബാഗോയിലും വരിക്കാര്‍ക്ക് ലഭ്യമാക്കാന്‍ യപ് ടിവി കരാറിലായി. സൗത്ത് ഏഷ്യന്‍ കണ്ടെന്റ് ആന്റ് ടെലികമ്യൂണിക്കേഷന്‍ സര്‍വീസുമായാണ് കരാറിലൊപ്പിട്ടത്.
ന്യൂഡല്‍ഹി: ഇന്ത്യ-യുഎഇ വ്യാപര ഇടപാടുകള്‍ ഇന്റലിജന്റ്‌സ് ഏജന്‍സി സൂക്ഷ്മമായി നിരീക്ഷിക്കുന്നു. കള്ളപ്പണം വെളുപ്പിക്കുന്നതിന്റെ ഭാഗമായി വിലയില്‍ കൃത്രിമം കാണിച്ച് നടത്തുന്ന ഇടപാടുകളാണ് പ്രധാനമായും ഏജന്‍സിയുടെ നിരീക്ഷണത്തിലുള്ളത്.
തൃശ്ശൂര്‍: ഇസാഫ് മൈക്രോഫിനാന്‍സിന്റെ ത്രൈമാസ വാര്‍ത്താ പത്രികയായ 'ലഹന്ദി'ക്ക് ഏറ്റവും മികച്ച ഉള്ളടക്കത്തിനുള്ള ദേശീയ ബഹുമതി ലഭിച്ചു. പബ്ലിക് റിലേഷന്‍സ് കൗണ്‍സില്‍ ഓഫ് ഇന്ത്യ കേരള ചാപ്റ്ററും എറണാകുളം പ്രസ്സ് ക്ലബും സംയുക്തമായാണ് ഈ അവാര്ഡ് സംഘടിപ്പിച്ചത്.
