Story Dated: Friday, March 6, 2015 03:03
കല്‍പ്പറ്റ: വയനാടിന്‌ സ്വന്തമായൊരു ഫുട്‌ബോള്‍ക്ല ബ്‌ ഒരുങ്ങുന്നു. ജില്ലയിലെ ഫുട്‌ബോള്‍ മേഖലയുമായി ബന്ധപ്പെട്ടവര്‍ ഒത്തുചേര്‍ന്നാണ്‌ക്ല ബിന്‌ രൂപം നല്‍കുന്നതെന്ന്‌ എം.വി ശ്രേയാംസ്‌കുമാര്‍ എം.എല്‍.എ. പത്രസമ്മേളനത്തില്‍ അറിയിച്ചു. പ്ര?ഫഷണല്‍ക്ല ബ്‌ എന്ന നിലയില്‍ ഭാവിയില്‍ക്ല ബിനെ വളര്‍ത്തുകയാണ്‌ സംഘാടകരുടെ ലക്ഷ്യം. ഇതിന്റെ ആദ്യ പടിയെന്ന നിലയില്‍ ഏപ്രിലില്‍ നടക്കുന്ന സംസ്‌ഥാന വനിതാക്ല ബ്‌ ചാമ്പ്യന്‍ഷിപ്പില്‍ വയനാട്‌ എഫ്‌.സിയുടെ ടീം ബൂട്ടുകെട്ടും. അന്യസംസ്‌ഥാന താരങ്ങളെ അണിനിരത്തിയായിരിക്കും തങ്ങളുടെ ആദ്യ ചാമ്പ്യന്‍ഷിപ്പിന്‌ ടീമിറങ്ങുക. സംസ്‌ഥാന അണ്ടര്‍-19 ടീമിന്റെ കോച്ചായ പ്രിയയാണ്‌ക്ല ബിനെ പരിശീലിപ്പിക്കുക. ഫുട്‌ബോളിനെ ജില്ലയില്‍ ഗ്രാസ്‌റൂട്ട്‌ ലെവല്‍ തൊട്ട്‌ വളര്‍ത്താനായി എല്ലാ പഞ്ചായത്തുകളിലും 10 വയസില്‍ താഴെയുള്ള 25 കുട്ടികളുടെ ഗ്രാസ്‌റൂട്ട്‌ സെന്ററുകള്‍ സ്‌ഥാപിക്കും. ജില്ലാ ഫുട്‌ബോള്‍ അസോസിയേഷന്‍, സ്‌പോര്‍ട്‌സ് കൗണ്‍സില്‍, തദ്ദേശ സ്വയംഭരണസ്‌ഥാപനങ്ങള്‍,ക്ല ബുകള്‍ എന്നിവയുടെ സഹകരണത്തോടെയാണ്‌ സെന്ററുകള്‍ സ്‌ഥാപിക്കുക. ഇവിടേക്കുള്ള പരിശീലകരെ കണ്ടെത്തി ദീര്‍ഘകാല പരിശീലനമാണ്‌ ഏര്‍പ്പെടുത്തുക. കളിയിലൂടെ സാമൂഹ്യ ഉന്നമനവും തൊഴിലവസരവും സൃഷ്‌ടിക്കുക എന്ന ലക്ഷ്യത്തോടെയാണ്‌ പദ്ധതി ആരംഭിക്കുന്നത്‌. ഫുട്‌ബോളിലൂടെ ആരോഗ്യമുള്ള യുവതലമുറയെ സൃഷ്‌ടിക്കുകയെന്ന തങ്ങളൂടെ ലക്ഷ്യവും ഇതിലൂടെ പൂര്‍ത്തീകരിക്കാനാകുമെന്ന്‌ പത്രസമ്മേളനത്തില്‍ പങ്കെടുത്ത ഫൈസല്‍ ബാപ്പു, നാസര്‍ കല്ലങ്കോടന്‍, ഷെഫീഖ്‌ ഹസ്സന്‍, നാസര്‍ കുരിണിയന്‍, നീലിക്കണ്ടി ഇഖ്‌ബാല്‍, പയന്തോത്ത്‌ സഫറുള്ള, ബിനുതോമസ്‌, ടി.എസ്‌. രാമചന്ദ്രന്‍ എന്നിവര്‍ പറഞ്ഞു.
from kerala news edited
via IFTTT
