Story Dated: Thursday, March 5, 2015 02:50
ഹൈദരാബാദ്‌: ഭാര്യയ്‌ക്ക് ഭീഷണി സന്ദേശമയച്ച ഭര്‍ത്താവിനെ പോലീസ്‌ അറസ്‌റ്റ് ചെയ്‌തു. ഹൈദരാബാദ്‌ പോലീസിലെ സൈബര്‍ ക്രൈം വിഭാഗമാണ്‌ വിദേശ ഇന്ത്യക്കാരനായ സോഫ്‌റ്റ്വെയര്‍ എഞ്ചിനീയറെ അറസ്‌റ്റ് ചെയ്‌തത്‌. കുടുംബ വഴക്കിനെ തുടര്‍ന്ന്‌ ഭാര്യയ്‌ക്കും ഭാര്യാ പിതാവിനും ഇവരുടെ സുഹൃത്തുക്കള്‍ക്കും മറ്റ്‌ ബന്ധുക്കള്‍ക്കുമാണ്‌ യുവാവ്‌ ഭീഷണി സന്ദേശമയച്ചത്‌.
യു.എസില്‍ താമസിച്ചുവരുന്ന ഇന്ത്യന്‍ വംശജനായ എസ്‌. പ്രവീണ്‍ കുമാറാണ(47) അറസ്‌റ്റിലായത്‌. കുടുംബ വഴക്കിനെ തുടര്‍ന്ന്‌ ഇയാള്‍ കുടുംബത്തില്‍ നിന്നും അകന്നു കഴിയുകയായിരുന്നു. ഭാര്യയ്‌ക്ക് എതിരെ ഹൈദരാബാദ്‌ കോടതിയില്‍ പ്രവീണ്‍ നല്‍കിയ കേസ്‌ അനുകൂലമായി വരാതിരുന്നതാണ്‌ പ്രതിയെ ചൊടിപ്പിച്ചത്‌. തുടര്‍ന്ന്‌ സന്തോഷ്‌ നഗറിലെ കമ്പ്യൂട്ടര്‍ കഫേയിലെത്തിയ പ്രവീണ്‍ ഭാര്യയ്‌ക്കും മറ്റുള്ളവര്‍ക്കും ഭീഷണി അയക്കുകയായിരുന്നു.
from kerala news edited
via IFTTT
