Story Dated: Friday, March 6, 2015 02:55
പന്തിരാങ്കാവ്‌: രാമനാട്ടുകര-തൊണ്ടയാട്‌ ബൈപാസിലെ അറപ്പുഴ പാലത്തിന്റെ ടോള്‍പിരിവ്‌ സര്‍ക്കാര്‍ സ്വയം നിര്‍ത്തിയതാണെന്ന പ്രചരണം ശരിയല്ലെന്ന്‌ പി.ടി.എ റഹീം എം.എല്‍.എ പറഞ്ഞു. 2002 ഫെബ്രുവരിയില്‍ നിര്‍മാണം പൂര്‍ത്തീകരിച്ച പാലത്തിന്‌ ടോള്‍ പിരിവ്‌ ആരംഭിക്കുന്നത്‌ 2002 മേയിലാണ്‌. പാലത്തിന്റെ നിര്‍മ്മാണത്തിന്‌ 13,26,83,817 രൂപയാണ്‌ ചെലവായത്‌. 2014 മാര്‍ച്ച്‌ 31 -ന്‌ മുന്‍പുതന്നെ ടോള്‍ ഇനത്തില്‍ വരുമാനമായി 14,65,57,025 രൂപ ലഭിച്ചിട്ടുണ്ടെന്ന്‌ നിയമസഭയില്‍ ഉന്നയിച്ച ചോദ്യത്തിന്‌ മന്ത്രി നല്‍കിയ മറുപടിയില്‍ വ്യക്‌തമാക്കിയതാണ്‌. ഈ വിഷയം നിയമസഭയില്‍ ഉന്നയിക്കപ്പെട്ടതിനെത്തുടര്‍ന്ന്‌ സ്‌ഥലത്ത്‌ സംഘര്‍ഷം ഉടലെടുത്ത സാഹചര്യത്തില്‍ കരാറുകാര്‍ തങ്ങളെ ഒഴിവാക്കണമെന്ന്‌ ആറുമാസം മുമ്പുതന്നെ സര്‍ക്കാറിനോട്‌ ആവശ്യപ്പെട്ടിരുന്നതാണ്‌. ഇതിനെ ത്തുടര്‍ന്നാണ്‌ ടോള്‍ പിരിവ്‌ അവസാനിപ്പിക്കാന്‍ സര്‍ക്കാര്‍ നിര്‍ബന്ധിതമായതെന്നും തെറ്റിദ്ധാരണ പരത്തുന്ന സമീപനമാണ്‌ സര്‍ക്കാരില്‍ നിന്നും ഇപ്പോഴുണ്ടായതെന്നും പി.ടി.എ റഹീം എം.എല്‍.എ പ്രസ്‌താവനയില്‍ അറിയിച്ചു.
from kerala news edited
via IFTTT
