Story Dated: Saturday, February 28, 2015 06:44
അടൂര്‍: ആനന്ദപ്പള്ളി പി.ഒ എന്ന വിലാസം ഇനി കത്തുകളില്‍ ഉണ്ടാകില്ല. ഈ വിലാസത്തിലുള്ള കത്തുരുപ്പടിയുമായി ഇനി പോസ്‌റ്റ്‌മാന്‍ പടി കയറി വരില്ല. ചരിത്രത്തിനൊപ്പം മണി കിലുക്കി ഓടിയ ആനന്ദപ്പള്ളി പോസ്‌റ്റ്‌ ഓഫീസ്‌ ഓര്‍മയാകാന്‍ പോവുകയാണ്‌. പ്രവര്‍ത്തിക്കുന്ന കെട്ടിടം ഒഴിഞ്ഞു കൊടുക്കാന്‍ ഉടമ ആവശ്യപ്പെട്ടിരിക്കുന്നു. പകരം കെട്ടിടം നോക്കാന്‍ അധികൃതര്‍ ശ്രമിക്കുന്നില്ല. പാസ്‌റ്റ്‌ ഓഫീസ്‌ നിര്‍ത്തലാക്കുക എന്ന തീരുമാനമാണ്‌ അവര്‍ കൈക്കൊണ്ടത്‌.നഗരസഭ, പന്തളം തെക്കേക്കര ഗ്രാമപഞ്ചായത്ത്‌ എന്നിവിടങ്ങളിലെ ജനങ്ങള്‍ക്കാണ്‌ പോസ്‌റ്റ്‌ ഓഫീസിന്റെ പ്രയോജനം ലഭിക്കുന്നത്‌.
ആനന്ദപ്പള്ളി പോസ്‌റ്റ്‌ ഓഫീസ്‌ ആരംഭിച്ചിട്ട്‌ അരനൂറ്റാണ്ട്‌ കഴിയുന്നു. അടൂരില്‍ നിന്ന്‌ അഞ്ചലോട്ടക്കാരന്‍ മണിയും കിലുക്കി ആനന്ദപ്പള്ളിയിലേക്ക്‌ വന്നിരുന്ന ഒരു കാലം ഉണ്ടായിരുന്നു. അതിന് ശേഷമാണ്‌ ഇവിടെ പോസ്‌റ്റ്‌ ഓഫീസ്‌ സ്‌ഥാപിതമായത്‌. പട്ടാളത്തിലും വിദേശത്തുമൊക്കെ ജോലി തേടിപ്പോയവരുടെ കത്തും മണിയോര്‍ഡറുമായി ഒരു കാലത്ത്‌ വലിയ തിരക്കായിരുന്നു ഇവിടെ.
കര്‍ഷകഗ്രാമമായിരുന്ന ആനന്ദപ്പള്ളിയുടെ മുഖഛായ പിന്നീട്‌ മാറി. അപ്പോഴും ഒരു കുടുസു മുറിയിലാണ്‌ പോസ്‌റ്റ്‌ ഓഫീസ്‌ പ്രവര്‍ത്തിച്ചിരുന്നത്‌. ചെറിയ വാടക മാത്രമാണ്‌ ഇതിന്‌ നല്‍കിപ്പോന്നിരുന്നത്‌. ഈ മുറി ഒഴിഞ്ഞു കൊടുക്കാനാണ്‌ ആവശ്യപ്പെട്ടിരിക്കുന്നത്‌. പുതിയ മുറി എടുക്കാനൊന്നും തപാല്‍ വകുപ്പിന്‌ താല്‍പര്യമില്ല. അതു കൊണ്ടു തന്നെയാണ്‌ ഇത് നിര്‍ത്തലാക്കാനും നീക്കം നടക്കുന്നത്‌.
കെ.ഐ.പിയുടെ തരിശായി കിടക്കുന്ന കെട്ടിടത്തില്‍ നിന്നും രണ്ടു സെന്റ്‌ ലഭ്യമായാല്‍ പോസ്‌റ്റ്‌ ഓഫീസിന്‌ കെട്ടിടം പണിതു നല്‍കാമെന്ന നിര്‍ദേശവുമായി ആനന്ദപ്പള്ളി റസിഡന്‍സ്‌ അസോസിയേഷന്‍ മുന്നോട്ടു വന്നിട്ടുണ്ട്‌. ഇതു സംബന്ധിച്ച് ഭാരവാഹികളായ ഷാജി ടി. കോശി, ജോര്‍ജ്‌ മാത്യു, വര്‍ഗീസ്‌ ദാനിയല്‍, വി.കെ. സ്‌റ്റാന്‍ലി എന്നിവര്‍ മന്ത്രി അടൂര്‍ പ്രകാശിന്‌ നിവേദനം നല്‍കി.
from kerala news edited
via IFTTT
മുംബൈ: ബജറ്റ് പ്രതീക്ഷയില്‍ ഓഹരി സൂചികകള്‍ കുതിച്ചു. കഴിഞ്ഞ ആറാഴ്ചക്കിടെ ഇതാദ്യമായാണ് സൂചികകള്‍ ഇത്രയും മുന്നേറുന്നത്. 473.47 പോയന്റ് ഉയര്‍ന്ന് സെന്‍സെക്‌സ് സൂചിക 29220.12 ലും 160.75 പോയന്റ് ഉയര്‍ന്ന് നിഫ്റ്റി സൂചിക 8844.60 ലുമാണ് വ്യാപാരം അവസാനിപ്പിച്ചത്. 1817 കമ്പനികളുടെ ഓഹരികള്‍ നേട്ടത്തിലും 1065 ഓഹരികള്‍ നഷ്ടത്തിലുമാണ് ക്ലോസ് ചെയ്തത്.
ന്യൂഡല്‍ഹി: മോദി സര്‍ക്കാരിന്റെ ആദ്യ സമ്പൂര്‍ണ ബജറ്റ് ധനമന്ത്രി അരുണ്‍ ജെയ്റ്റ്‌ലി നാളെ പാര്‍ലമന്റില്‍ അവതരിപ്പിക്കും. സര്‍ക്കാരിന്റെ സാമ്പത്തിക വീക്ഷണവും നയപരിപാടികളും കൂടൂതല്‍ വ്യക്തമാക്കുന്നതായിരിക്കും ബജറ്റ്. അസംസ്‌കൃത എണ്ണയുടെ വിലയിടിവും ലോക സമ്പദ്‌രംഗത്തെ മാറ്റങ്ങളും അനുകൂല സാഹചര്യമൊരുക്കിയിട്ടുണ്ടെങ്കിലും സാമ്പത്തികവളര്‍ച്ചയെ സംബന്ധിച്ച് രാജ്യത്തെ സമ്പദ്‌വ്യവസ്ഥ വലിയ വെല്ലുവിളികളും നേരിടുന്നുണ്ട്.
ന്യൂഡല്‍ഹി: രാജ്യത്തെ പൊതുസാമ്പത്തിക സ്ഥിതി വ്യക്തമാക്കുന്ന സാമ്പത്തിക സര്‍വേ ഫലം ധനമന്ത്രി അരുണ്‍ ജെയ്റ്റ്‌ലി ലോക്‌സഭയുടെ മേശപ്പുറത്തു വെച്ചു. നടപ്പ് സാമ്പത്തിക വര്‍ഷത്തെ വളര്‍ച്ചാനിരക്ക് 7.4 ശതമാനമാണെന്ന് റിപ്പോര്‍ട്ടില്‍ പറയുന്നു. എന്നാല്‍ 8 മുതല്‍ 10 ശതമാനംവരെ വളര്‍ച്ചയാണ് പ്രതീക്ഷിക്കുന്നത്.
ന്യൂഡല്‍ഹി: റെയില്‍ ശൃംഖലയുടെ സമഗ്ര നവീകരണമാണ് ബിജെപി സര്‍ക്കാരിന്റെ മുഖ്യ ലക്ഷ്യം. അതിന് ഉതകുന്ന പ്രധാനകാര്യങ്ങളാണ് ബജറ്റില്‍ കേന്ദ്രമന്ത്രി സുരേഷ് പ്രഭു പ്രഖ്യാപിച്ചത്. ഇത് റെയില്‍വേയുമായി ബന്ധപ്പെട്ട് പ്രവര്‍ത്തിക്കുന്ന കമ്പനികള്‍ക്ക് ഏറെ ഗുണകരമാകുമെന്നാണ് വിലയിരുത്തല്‍. അടുത്ത അഞ്ച് വര്‍ഷംകൊണ്ട് 8.56 ലക്ഷം കോടി രൂപയുടെ വിസനപ്രവര്‍ത്തനങ്ങളാണ് വിഭാവനംചെയ്തിട്ടുള്ളത്. പ്രധാനമായും നാല് കമ്പനികള്‍ക്കാണ് റെയില്‍വേ വികസനം നേട്ടമാകുക.
മുംബൈ: റെയില്‍വേ ബജറ്റ് ദിനത്തില്‍ പാളംതെറ്റിയ ഓഹരി സൂചികകള്‍ തിരിച്ചുകയറി. സെന്‍സെക്‌സ് സൂചിക 202 പോയന്റ് ഉയര്‍ന്ന് 28948ലും നിഫ്റ്റി സൂചിക 45 പോയന്റ് ഉയര്‍ന്ന് 8729ലുമെത്തി.
