സൂചികകള്‍ കുതിച്ചു: സെന്‍സെക്‌സില്‍ 473 പോയന്റ് നേട്ടം
മുംബൈ: ബജറ്റ് പ്രതീക്ഷയില്‍ ഓഹരി സൂചികകള്‍ കുതിച്ചു. കഴിഞ്ഞ ആറാഴ്ചക്കിടെ ഇതാദ്യമായാണ് സൂചികകള്‍ ഇത്രയും മുന്നേറുന്നത്. 473.47 പോയന്റ് ഉയര്‍ന്ന് സെന്‍സെക്‌സ് സൂചിക 29220.12 ലും 160.75 പോയന്റ് ഉയര്‍ന്ന് നിഫ്റ്റി സൂചിക 8844.60 ലുമാണ് വ്യാപാരം അവസാനിപ്പിച്ചത്. 1817 കമ്പനികളുടെ ഓഹരികള്‍ നേട്ടത്തിലും 1065 ഓഹരികള്‍ നഷ്ടത്തിലുമാണ് ക്ലോസ് ചെയ്തത്.പൊതുമേഖല ബാങ്ക് ഓഹരികളാണ് വിപണിക്ക് കരുത്തേകിയത്. എച്ച്ഡിഎഫ്‌സി ബാങ്ക്, ഐസിഐസിഐ ബാങ്ക്, ആക്‌സിസ് ബാങ്ക്, സുസ് ലോണ്‍, ഓയില്‍ ഇന്ത്യ, ഐഎഫ്‌സിഐ, ടാറ്റ പവര്‍, എല്‍ആന്റ്ടി, ഐസിഐസിഐ ബാങ്ക്, സെസ സ്റ്റെര്‍ലൈറ്റ്, ഹിന്‍ഡാല്‍കോ, എസ്ബിഐ തുടങ്ങിയവ നേട്ടത്തിലും ഐടിസി, ഗെയില്‍, വിപ്രോ, ഹിന്ദുസ്ഥാന്‍ യുണിലിവര്‍, ടോറന്റ് ഫാര്‍മ, ഇമാമി, ഭാരത് ഫോര്‍ജ്, സണ്‍ ടിവി തുടങ്ങിയവ നഷ്ടത്തിലുമാണ് വ്യാപാരം അവസാനിപ്പിച്ചത്.
from kerala news edited
via IFTTT
