Story Dated: Saturday, February 28, 2015 03:38
മണ്ണാര്‍ക്കാട്‌: പ്രസിദ്ധമായ മണ്ണാര്‍ക്കാട്‌ അരക്കുര്‍ശ്ശി ഉദയാര്‍കുന്ന്‌ ഭഗവതി ക്ഷേത്രത്തിലെ പൂരാഘോഷത്തിന്റെ കൊടിയേറ്റം ഇന്ന്‌ നടക്കും. മൂന്നാം പൂര ദിനത്തില്‍ കൊടിയേറ്റത്തിന്റെ ഭാഗമായി രാവിലെ ഒന്‍പത്‌ മുതല്‍ ഉച്ചക്ക്‌ 12 വരെ ആറാട്ട്‌ എഴുന്നളളിപ്പ്‌, വൈകീട്ട്‌ മൂന്ന്‌ മുതല്‍ അഞ്ച്‌ വരെ കിളളിക്കുര്‍ശ്ശിമംഗലം കുഞ്ചന്‍ സ്‌മാരകത്തിന്റെ നേതൃത്വത്തില്‍ ഓട്ടന്‍തുള്ളല്‍ എന്നിവ നടക്കും. വൈകീട്ട്‌ ഏഴിനാണ്‌ കൊടിയേറ്റം. തന്ത്രി ബ്രഹ്‌മശ്രീ ഈക്കാട്ട്‌ നാരായണന്‍ നമ്പൂതിരിയുടെ കാര്‍മികത്വത്തിലാണ്‌ കൊടിയേറ്റം നടക്കുക. തുടര്‍ന്ന്‌ കല്‍പ്പാത്തി ബാലകൃഷ്‌ണന്റെ തായമ്പകയും കൊല്ലം അസീസിയുടെ ഒറ്റമരത്തണല്‍ നാടകവും അരങ്ങേറും.
from kerala news edited
via IFTTT
