Story Dated: Friday, February 27, 2015 02:08
തിരുവനന്തപുരം: കഴിഞ്ഞ ദിവസം തമ്പാനൂരില്‍ കണ്ടെത്തിയ ഒറീസ സ്വദേശിനിയെ ഭര്‍ത്താവെത്തി കൂട്ടിക്കൊണ്ടുപോയി. ബുധനാഴ്‌ചയാണ്‌ തമിഴ്‌നാട്ടിലെ ഈറോഡിലെ നെയ്‌ത്തുക്കമ്പനിയില്‍ നിന്നും നാട്ടിലേക്കു മടങ്ങിയ യുവതിയെ സഹപ്രവര്‍ത്തകന്‍ തമ്പാനൂരില്‍ ഉപേക്ഷിച്ചുമുങ്ങിയത്‌. നഗരത്തില്‍ ഒറ്റപ്പെട്ടുപോയ പുഷ്‌പവിശാല(24)ത്തെ തമ്പാനൂര്‍ പോലീസാണ്‌ വനിതാസെല്ലിന്റെ സംരക്ഷണത്തിലേക്ക്‌ മാറ്റി. തുടര്‍ന്ന്‌ ഫോണില്‍ യുവതിയുടെ ബന്ധുക്കളെ അറിയിക്കുകയായിരുന്നു.
ഇന്നലെ രാവിലെ തന്നെ ഭര്‍ത്താവ്‌ ചിത്തരഞ്‌ജന്‍ ബിസാലയെത്തി യുവതിയെ നാട്ടിലേക്ക്‌ കൂട്ടിക്കൊണ്ടുപോയി. യുവതിയുടെ ബാഗിലുണ്ടായിരുന്ന ഒരുലക്ഷം രൂപ വിലവരുന്ന സ്വര്‍ണവും രണ്ടായിരം രൂപയും കൈക്കലാക്കിയശേഷമാണ്‌ കൂടെയുള്ളയാള്‍ മുങ്ങിയത്‌. ഒറീസാ സ്വദേശിയായ ഇയാള്‍ക്കെതിരെ നാട്ടിലെത്തി പോലീസില്‍ പരാതിപ്പെടുമെന്ന്‌ ചിത്തരഞ്‌ജന്‍ ബിസാല പറഞ്ഞു.
from kerala news edited
via IFTTT
