Story Dated: Friday, February 27, 2015 03:02
കല്‍പ്പറ്റ: കെ.എസ്‌.ഇ.ബി. ഉത്തരമേഖല വാര്‍ഷിക കായികമേളയില്‍ കോഴിക്കോട്‌ ഒന്നാം സ്‌ഥാനം നേടി. കണ്ണൂര്‍, വയനാട്‌ ജില്ലകള്‍ യഥാക്രമം രണ്ട്‌, മൂന്ന്‌ സ്‌ഥാനങ്ങള്‍ നേടി. കെ.എം. പ്രകാശന്‍ (അസിസ്‌റ്റന്റ്‌ എന്‍ജിനീയര്‍, ഇലക്‌ട്രിക്കല്‍ സെക്ഷന്‍, അമ്പലവയല്‍), ടി.എ. ഉഷ
(അസിസ്‌റ്റന്റ്‌ എക്‌സിക്യൂട്ടീവ്‌ എന്‍ജിനീയര്‍, കണിയാമ്പറ്റ), കെ. മുകുന്ദന്‍ ( ഇലക്‌ട്രിക്കല്‍ സെക്ഷന്‍, പരപ്പുപ്പാറ), കെ. പ്രദീപ്‌കുമാര്‍ (66 കെ.വി. സബ്‌ സ്‌റ്റേഷന്‍, കുറ്റിക്കാട്ടൂര്‍), വി.കെ. ധന്യ (ഇലക്‌ട്രിക്കല്‍ സര്‍ക്കിള്‍ കോഴിക്കോട്‌), ഗീത കടവത്തുപുരയില്‍ (ഇലക്‌ട്രിക്കല്‍ സെക്ഷന്‍, പാട്യം) എന്നിവര്‍ വ്യക്‌തിഗത ചാമ്പ്യന്‍മാരായി. കാസര്‍ഗോഡ്‌, കണ്ണൂര്‍, കോഴിക്കോട്‌, വയനാട്‌, മലപ്പുറം ജില്ലകളില്‍ നിന്നുളള 500 റോളം കായികതാരങ്ങള്‍ പങ്കെടുത്തു. മത്സരത്തോടനുബന്ധിച്ച്‌ നടത്തിയ ദീപശിഖാപ്രയാണം ഉത്തരമേഖല വിതരണവിഭാഗം ചീഫ്‌ എന്‍ജിനീയര്‍ ഡോ.ഒ.അശോകന്‍, കെ.എസ്‌.ഇ.ബി ലിമിറ്റഡിലെ ദേശീയതാരങ്ങള്‍ക്ക്‌ ദീപശിഖ കൈമാറി ഉദ്‌ഘാടനം ചെയ്‌തു. കായികതാരങ്ങളുടെ മാര്‍ച്ച്‌പാസ്‌റ്റില്‍ ഏഷ്യന്‍ റെക്കോര്‍ഡിനുടമയായ രാജ്യാന്തര അത്‌ലറ്റ്‌ ബിപിന്‍ മാത്യു സല്യൂട്ട്‌ സ്വീകരിച്ചു.
from kerala news edited
via IFTTT
