Story Dated: Wednesday, March 18, 2015 07:42
ന്യൂഡല്‍ഹി: വടക്കന്‍ ഡല്‍ഹിയില്‍ വിലയേറിയ കാറുകളുടെ റിയര്‍വ്യൂ മിററുകള്‍ വന്‍തോതില്‍ മോഷ്‌ടിക്കപ്പെടുന്നതായി റിപ്പോര്‍ട്ട്‌. മോഷ്‌ടാക്കളെ കുടുക്കാന്‍ പ്രത്യേക സംഘത്തെ നിയമിച്ചതായി പോലീസ്‌ പറഞ്ഞു.
കഴിഞ്ഞ ദിവസം ഒരു മുന്തിയയിനം കാറിന്റെ റിയര്‍വ്യൂ മിറര്‍ മോഷ്‌ടിക്കാന്‍ നടന്ന ശ്രമം പോലീസ്‌ പരാജയപ്പെടുത്തിയിരുന്നു. പോലീസ്‌ സാന്നിധ്യം തിരിച്ചറിഞ്ഞ മോഷ്‌ടാക്കള്‍ സമീപത്തു പാര്‍ക്ക്‌ ചെയ്‌തിരുന്ന കാറില്‍ കയറി രക്ഷപ്പെടാന്‍ ശ്രമം നടത്തി. ഇത്‌ തടയാന്‍ ശ്രമിച്ച പോലീസ്‌ കോണ്‍സ്‌റ്റബിളിനെ മോഷ്‌ടാക്കള്‍ വാഹനമിടിപ്പിച്ച്‌ കൊലപ്പെടുത്താനും ശ്രമിച്ചു. തുടര്‍ന്ന്‌ വാഹനത്തില്‍ രക്ഷപ്പെട്ട സംഘത്തെ പോലീസ്‌ പിന്തുടര്‍ന്നെങ്കിലും പിടികൂടാനായില്ല.
സമീപത്തെ തിരക്കേറിയ ചന്തയിലാണ്‌ മോഷ്‌ടാക്കള്‍ ഒളിച്ചത്‌. ഇതിനിടയില്‍ സഞ്ചരിച്ച വാഹനം മോഷ്‌ടാക്കള്‍ ഉപേക്ഷിക്കാന്‍ തയ്യാറായതാണ്‌ സംഘം സാധാരണ മോഷ്‌ടാക്കളില്‍ നിന്ന്‌ വ്യത്യസ്‌തരാണെന്ന നിഗമനത്തില്‍ പോലീസിനെ എത്തിച്ചത്‌.
from kerala news edited
via IFTTT
