Story Dated: Wednesday, March 18, 2015 07:23
ലക്‌നൗ: മുന്‍ ഉത്തര്‍പ്രദേശ്‌ ബി.ജെ.പി. എം.എല്‍.എ കൗഷ്‌ലേന്ദ്ര നാഥ്‌ യോഗി തന്നെ ലൈംഗികമായി പീഡിപ്പിച്ചതായും മദ്യപിക്കാന്‍ പ്രേരിപ്പിച്ചതായും ആരോപിച്ച്‌ യുവതി രംഗത്ത്‌. യോഗി ഇയാളുടെ വീട്ടില്‍ തന്നെ രണ്ടുദിവസം തടവില്‍ പാര്‍പ്പിച്ചതായും യുവതി ആരോപിച്ചു.
ഗൗരവ്‌ വിഹാറിലെ യോഗിയുടെ വീട്ടില്‍ നിന്നും രക്ഷപ്പെട്ടുവന്ന യുവതി ബന്ധു മുഖേന പോലീസില്‍ പരാതി നല്‍കുകയായിരുന്നു. യുവതിയുടെ ആരോപണങ്ങള്‍ ശരിയാണെന്നാണ്‌ പോലീസിന്റെ പ്രഥമിക നിഗമനം. എന്നാല്‍ യുവതിയുടെ വൈദ്യപരിശോധനാ ഫലത്തിന്റെ അടിസ്‌ഥാനത്തിലാകും തുടര്‍ നടപടികളെന്നും പോലീസ്‌ വ്യക്‌തമാക്കി. സംഭവത്തിന്‌ ശേഷം യോഗി ഒളിവിലാണ്‌.
യുവതി ഭര്‍ത്താവും കുട്ടികളുമൊത്ത്‌ യോഗിയുടെ വീടിന്‌ സമീപത്താണ്‌ താമസം. കഴിഞ്ഞവര്‍ഷം മുതലാണ്‌ യുവതി യോഗിയുടെ വീട്ടില്‍ വീട്ടുജോലിയില്‍ പ്രവേശിച്ചത്‌. രാവിലെ 10മുതല്‍ വൈകിട്ട്‌ ആറുവരെ ആയിരുന്നു ജോലിസമയം.
from kerala news edited
via IFTTT
