Story Dated: Wednesday, March 18, 2015 03:09
കുന്നംകുളം: ബ്ലേഡ്‌ മാഫിയാസംഘം വീടിന്റെ ഗേറ്റ്‌ അഴിച്ചുകൊണ്ടുപോയതായി പരാതി. മരത്തംകോട്‌ കിടങ്ങൂര്‍ കുളങ്ങര വളപ്പില്‍ ജമാലിന്റെ വീടിന്റെ ഗേറ്റാണ്‌ ബ്ലേഡ്‌ മാഫിയ ഊരികൊണ്ടുപോയത്‌. പലിശയ്‌ക്കു പണം വാങ്ങിയതിനെ തുടര്‍ന്ന്‌ വീടും പറമ്പും തട്ടിയെടുത്തതിനെതിരെ മത്സ്യത്തൊഴിലാളിയായ ജമാല്‍ കുന്നംകുളം പോലീസില്‍ പരാതി നല്‍കിയിരുന്നു.
ഈ മാസം എട്ടിന്‌ ബ്ലേഡ്‌ മാഫിയാ സംഘം ജമാലിന്റെ കുടുംബത്തെ വീട്ടില്‍നിന്ന്‌ ഇറക്കിവിടാന്‍ ശ്രമിക്കുകയും കൊല്ലുമെന്ന്‌ ഭീഷണിപ്പെടുത്തുകയും ചെയ്‌തിരുന്നു. തുടര്‍ന്നാണ്‌ വീടിന്റെ ഗേറ്റ്‌ ഊരിയെടുത്ത്‌ ലോറിയില്‍ കയറ്റികൊണ്ടുപോയത്‌. വീടു പൊളിക്കുമെന്നും കുടുംബത്തെ വഴിയാധാരമാക്കുമെന്ന്‌ ഭീഷണിപ്പെടുത്തിയിരുന്നതായും ജമാല്‍ പോലീസില്‍ നല്‍കിയ പരാതിയില്‍ പറയുന്നു.
from kerala news edited
via IFTTT
