Story Dated: Wednesday, March 18, 2015 07:02
കൊല്‍ക്കത്ത: റേഡിയോ കോളര്‍ ഇന്‍ഫക്ഷനെ തുടര്‍ന്ന്‌ സുന്ദര്‍വനത്തില്‍ പെണ്‍കടുവ ചത്തു. സഞ്ചാരപാത തിരിച്ചറിയുന്നതിന്‌ വേണ്ടി കഴുത്തില്‍ ഘടിപ്പിച്ചിരുന്ന റേഡിയോ കോളറില്‍ നിന്നാണ്‌ കടുവയ്‌ക്ക് ഇന്‍ഫക്ഷനുണ്ടായത്‌. ഏഴ്‌ മാസങ്ങള്‍ക്ക്‌ മുമ്പാണ്‌ കോളര്‍ ഘിപ്പിച്ച കടുവയെ കാട്ടില്‍ തുറന്നുവിട്ടത്‌.
പിന്‍കാലിന്‌ പരിക്കേറ്റ മൂന്നരവയസ്‌ പ്രായമുള്ള കടുവയെ 2013ലാണ്‌ അധികൃതര്‍ പിടികൂടിയത്‌. വിശദമായ പരിശോധനകള്‍ക്കും ചികിത്സയ്‌ക്കും ശേഷം 2014ല്‍ കടുവയെ കാട്ടില്‍ തുറന്നുവിട്ടിരുന്നു. വേണ്ടിവന്നാല്‍ തുടര്‍ചികിത്സ നല്‍കുന്നതിന്‌ ഇതിന്റെ സഞ്ചാരപാത കണ്ടെത്താന്‍ റേഡിയോ കോളറും കടുവയുടെ കഴുത്തില്‍ ഘടിപ്പിച്ചിരുന്നു. എന്നാല്‍ കഴിഞ്ഞമാസം മുതലാണ്‌ കടുവ സഞ്ചരിക്കുന്നില്ലെന്ന്‌ അധികൃതര്‍ കണ്ടെത്തിയത്‌. തുടര്‍ന്ന്‌ നടത്തിയ തെരച്ചിലില്‍ കടുവയുടെ മൃതദേഹം കണ്ടെത്തി. കോളറില്‍ നിന്നുള്ള ഇന്‍ഫക്ഷനാണ്‌ മരണ കാരണമെന്ന്‌ സ്‌ഥിരീകരിച്ചിട്ടുണ്ട്‌.
from kerala news edited
via IFTTT
