സന്ദര്‍ശകരുടെ എണ്ണത്തില്‍ ഫ് ളിപ്കാര്‍ട്ട് മുന്നിലെന്ന് സര്‍വേ
മുംബൈ: ഓണ്‍ലൈന്‍ ഷോപ്പിങ് സൈറ്റുകളില്‍ ഏറ്റവും കൂടുതല്‍ ട്രാഫിക് ഫ് ളിപ്കാര്‍ട്ട്‌ഡോട്ട്‌കോമിന്. മാസ്റ്റര്‍കാര്‍ഡ് നടത്തിയ ഓണ്‍ലൈന്‍ ഷോപ്പിങ് സര്‍വേയിലാണ് ഇക്കാര്യം വ്യക്തമായത്.
സ്‌നാപ്ഡില്‍ഡോട്ട്‌കോം, ആമസോണ്‍ഇന്ത്യ എന്നിവയ്ക്കാണ് യഥാക്രമം രണ്ടും മൂന്നും സ്ഥാനങ്ങള്‍. ഇബേ ഇന്ത്യ നാലാംസ്ഥാനവും നേടി. ഒക്ടോബര്‍ 25നും ഡിസംബര്‍ 24നും ഇടയിലാണ് മാസ്റ്റര്‍കാര്‍ഡ് സര്‍വേ നടത്തിയത്. 18നും 64നും മധ്യേയുള്ള 7000 പേര്‍ സര്‍വേയില്‍ പങ്കെടുത്തു.
പ്രധാന ഇ-കൊമേഴ്‌സ് സ്ഥാപനങ്ങളുടെ വില്പനയുടെ 50-60 ശതമാനവും മൊബൈല്‍ സൈറ്റിലൂടെയോ ആപിലൂടെയോ ആണ്. രണ്ടുവര്‍ഷത്തിനിടയില്‍ ഓണ്‍ലൈന്‍ വഴി മൊബൈല്‍ ഫോണ്‍ വാങ്ങുന്നവരുടെ എണ്ണത്തില്‍ 100 ശതമാനത്തിലേറെ വര്‍ധനവുണ്ടായതായി സര്‍വേ വ്യക്തമാക്കുന്നു. എയര്‍ലൈന്‍ മേഖല കഴിഞ്ഞാല്‍ ഹോം അപ്ലയന്‍സസ്, ഇലക്ട്രോണിക് ഉപകരണങ്ങള്‍ തുടങ്ങിയവയ്ക്കാണ് കൂടുതല്‍ ആവശ്യക്കാര്‍.
from kerala news edited
via IFTTT
