Story Dated: Sunday, December 21, 2014 11:23
തിരുവനന്തപുരം: മദ്യനയത്തില്‍ ഞായറാഴ്‌ച ഡ്രൈഡേയാക്കുന്ന തീരുമാനം പിന്‍വലിച്ചതോടെ ദീര്‍ഘകാലത്തെ ഇടവേളയ്‌ക്ക് ശേഷം സംസ്‌ഥാനത്തെ ഭൂരിഭാഗം മദ്യ വില്‍പ്പനശാലകളും തുറന്നു പ്രവര്‍ത്തിച്ചു. പത്തോളം ജില്ലകളില്‍ ഭൂരിഭാഗം ബവ്‌കോ വില്‍പനകേന്ദ്രങ്ങളും ബാറുകളും തുറന്നതായി അധികൃതര്‍ അറിയിച്ചു.
പുതിയ സമയക്രമം വന്നതോടെ രാവിലെ 9.30 മുതല്‍ 10 മണിവരെയാണ്‌ തുറന്നു പ്രവര്‍ത്തിക്കും. തീരുമാനത്തെ കുടിയന്മാരും ബാര്‍ ജീവനക്കാരും സന്തോഷത്തോടെയാണ്‌ വരവേറ്റത്‌. ഇന്നലെ വൈകിട്ടാണ്‌ മദ്യനിരോധനം പിന്‍വലിച്ചുള്ള ഉത്തരവ്‌ സര്‍ക്കാര്‍ ഇറക്കിയത്‌. അതേസമയം ആശയക്കുഴപ്പം മൂലം ചിലയിടത്ത്‌ ബവ്‌റിജസ്‌ കോര്‍പറേഷന്റെ മദ്യവില്‍പന കേന്ദ്രങ്ങള്‍ തുറന്നിട്ടില്ല.
ജില്ല ഡപ്യൂട്ടി കമ്മീഷണര്‍മാര്‍ക്ക്‌ സര്‍ക്കാര്‍ ഉത്തരവ്‌ ലഭിക്കുന്നതിലുണ്ടായ കാലതാമസമാണ്‌ ആശയക്കുഴപ്പത്തിന്‌ ഇടയാക്കിയത്‌. കമ്മീഷണര്‍മാരുടെ നിര്‍ദേശം ലഭിച്ചശേഷം തുറന്നാല്‍ മതിയെന്നാണ്‌ വെയര്‍ഹൗസ്‌ മാനേജര്‍മാര്‍ക്ക്‌ ലഭിച്ചിട്ടുള്ള നിര്‍ദേശം. അതിനിടയില്‍ ലൈസന്‍സ്‌ നീക്കിയ ബാറുകള്‍ക്ക്‌ ബീയര്‍, വൈന്‍ പാര്‍ലറുകള്‍ക്കുള്ള ലൈസന്‍സ്‌ നല്‍കുന്നത്‌ സംബന്ധിച്ച പ്രവര്‍ത്തനങ്ങള്‍ ഈ ആഴ്‌ച മുതല്‍ തുടങ്ങും.
from kerala news edited
via IFTTT
