പ്രവാചക വ്യക്തിത്വത്തെ അടുത്തറിയാന്‍ സമൂഹം തയ്യാറാവണം- സുലൈമാന്‍ മദനി
Posted on: 21 Dec 2014
ദോഹ: പ്രവാചകന് മുഹമ്മദ് നബി യെ സത്യസന്ധമായി അടുത്തറിയാന്‍ സമൂഹം തയ്യാറാവണമെന്ന് ഖത്തര്‍ ഇന്ത്യന്‍ ഇസ്‌ലാഹി സെന്റര്‍ വൈസ് പ്രസിഡണ്ട് കെ.എന്‍. സുലൈമാന്‍ മദനി അഭ്യര്‍ത്ഥിച്ചു. ശൈഖ് അബ്ദുല്ലാഹിബ്‌നു സെയ്ദ് ആല്‍മഹ്മൂദ് ഇസ്‌ലാമിക് കള്‍ച്ചറല്‍ സെന്റര്‍, ഫനാര്‍ ഓഡിറ്റോറിയത്തില്‍ സംഘടിപ്പിച്ച പരിപാടിയില്‍ 'വിസ്മരിക്കപ്പെടുന്ന പ്രവാചകവ്യക്തിത്വം' എന്ന വിഷയത്തില്‍ സംസാരിക്കുകയായിരുന്നു അദ്ദേഹം.പ്രവാചകന് അല്ലാഹു നല്‍കിയ അമാനുഷിക കഴിവുകളെ ശരിയായ വിധം മനസ്സിലാക്കാത്തതിനാല്‍ പല അന്ധവിശ്വാസങ്ങളും സമൂഹത്തില്‍ കടന്നു കൂടിയിട്ടുണ്ട്. ഇത്തരം അന്ധവിശ്വാസങ്ങളെ തിരിച്ചറിയാന്‍ നാം തയ്യാറാവണം.
എല്ലാതരം ചൂഷണങ്ങള്‍ക്കെതിരെയും ശബ്ദിച്ച പ്രവാചകന്റെ പേരില്‍തന്നെ അദ്ദേഹത്തിന്റെ തിരുശേഷിപ്പുകള്‍ എന്ന പേരില്‍ നടത്തുന്ന ചൂഷണം നാം തിരിച്ചറിയണം, അദ്ദേഹം പറഞ്ഞു.
വ്യക്തി, കുടുംബം, സമൂഹം തുടങ്ങി ജീവിതത്തിന്റെ സര്‍വമേഖലകളിലും മാതൃകാവ്യക്തിത്വമായിരുന്നു പ്രവാചകന് എന്ന് ചടങ്ങില്‍ സംസാരിച്ച റാഫി മദനി കൊടിയത്തൂര്‍ പറഞ്ഞു. ഖത്തര്‍ ഇന്ത്യന്‍ ഇസ്‌ലാഹി സെന്റര്‍ ദഅ്‌വ വിഭാഗം ചെയര്‍മാന്‍ ടി.പി. കുഞ്ഞിമുഹമ്മദ്, ഇസ്‌ലാഹി മദ്‌റസ പ്രിന്‍സിപ്പാള്‍ ടി. അബൂബക്കര്‍ നന്മണ്ട എന്നിവര്‍ പ്രസീഡിയം നിയന്ത്രിച്ചു. ബശീര്‍ അന്‍വാരി സംസാരിച്ചു. സിറാജ് ഇരിട്ടി ക്വിസ് പ്രോഗ്രാമിന് നേതൃത്വം നല്‍കി.
from kerala news edited
via IFTTT
