Story Dated: Wednesday, December 17, 2014 02:05
കോട്ടയ്‌ക്കല്‍: പുത്തൂര്‍ പാതയോരത്തെ മണ്‍കൂനയിലെ വള്ളിക്കാടുകള്‍ ശുദ്ര ജീവികള്‍ താവളമാക്കി. നഗരത്തിലെ ഐറീഷിനായി എടുത്തമണ്ണാണ്‌ പുത്തൂര്‍ പാലത്തിന്‌ സമീപ്പം കൂട്ടിയിട്ടിരിക്കുന്നത്‌. ഇതിന്‌ മുകളില്‍ വന്‍വള്ളിക്കാടുകള്‍ പടര്‍ന്നതോടെ പാമ്പുകളും, തെരുവ്‌ നായക്കളും താവളമാക്കിയിരിക്കുകയാണ്‌. കഴിഞ്ഞ ദിവസം തെരുവ്‌ പട്ടി പെറ്റതൊടെ ഇതിലെ വഴിനടക്കാനാവാത്ത അവസ്‌ഥയാണിപ്പോള്‍. പാമ്പുകള്‍ പലപ്പോഴും പുറത്ത്‌ വരുന്നതു കാല്‍നടയാത്രക്കാരെ ദുരിതത്തിലാക്കുന്നുണ്ട്‌. കുട്ടികള്‍ക്കാണു ഇത്‌ ഏറെ ഭീഷണിയായിരിക്കുന്നത്‌.
പട്ടി പെറ്റ്‌ കിടക്കുന്നതിനാല്‍ കുട്ടികള്‍ക്ക്‌ തനിച്ച്‌ നടക്കാനാവുന്നില്ല. രാവിലെ ഇത്‌ വഴി മദ്‌റസിയിലേക്ക്‌ പോകുന്ന കുട്ടികള്‍ക്ക്‌ രക്ഷിതാക്കള്‍ കൂട്ടിന്‌ പോകേണ്ട അവസ്‌ഥയാണിപ്പോള്‍. റോഡിന്റെ ഇരു വശങ്ങളിലുമായി ലോഡ്‌ കണക്കിന്‌ മണ്ണാണ്‌ പൊതുമരാമത്ത്‌ അധികൃതര്‍ കൂട്ടിയിട്ടിരിക്കുന്നത്‌. വാഹനങ്ങള്‍ക്ക്‌ ദുരിതമാകുന്നതോടെ യാത്രക്കാരെയും കൂടി അപകടത്തില്‍ പെടുത്തുന്ന മണ്ണ്‌ നീക്കണമെന്ന്‌ നേരത്തെ ആവശ്യപ്പെട്ടിരുന്നെങ്കിലും അധികൃതര്‍ ചെവികൊടുത്തിരുന്നില്ല. ക്ഷുദ്രജീവികള്‍ താവളമാക്കിയതോടെ ദുരിതം കൂടിയിരിക്കുകയാണിപ്പോള്‍.
from kerala news edited
via IFTTT
