Story Dated: Wednesday, December 17, 2014 02:07
തിരുവനന്തപുരം: തിയേറ്ററിനുള്ളില്‍ രജനീകാന്തിന്റെ സിനിമ മൊബൈലില്‍ പകര്‍ത്തിയ തമിഴ്‌നാട്ടുകാരനായ യുവാവ്‌ പിടിയില്‍. തമിഴ്‌നാട്‌ തൂത്തുക്കുടി സ്വദേശിയും ഇപ്പോള്‍ വട്ടിയൂര്‍ക്കാവ്‌ യു.പി.എസിന്‌ സമീപം വാടകയ്‌ക്കു താമസിക്കുന്ന ലിംഗ ദൂരൈ (32)യാണ്‌ ഫോര്‍ട്ട്‌ പോലീസിന്റെ പിടിയിലായത്‌. കിഴക്കേകോട്ടയിലെ ശ്രീപത്മനാഭ തിയേറ്ററില്‍ പ്രദര്‍ശനം നടക്കുന്ന ലിംഗ എന്ന രജനീകാന്തിന്റെ ഏറ്റവും പുതിയ തമിഴ്‌ സിനിമയെ ലിംഗദൂരൈ കഴിഞ്ഞ ദിവസം തന്റെ മൊബൈലില്‍ പകര്‍ത്താന്‍ ശ്രമിക്കുന്നതിനിടെ ജീവനക്കാരുടെ ശ്രദ്ധയില്‍പ്പെടുകയും തുടര്‍ന്ന്‌ യുവാവിനെ പോലീസിലേല്‍പ്പിക്കുകയുമായിരുന്നു. തിയേറ്റര്‍ ജീവനക്കാരുടെ പരാതിയുടെ അടിസ്‌ഥാനത്തില്‍ യുവാവിനെതിരെ ഫോര്‍ട്ട്‌ പോലീസ്‌ കേസെടുത്ത്‌ കോടതിയില്‍ ഹാജരാക്കിയെങ്കിലും കോടതി ലിംഗദുരൈക്ക്‌ ജാമ്യം നല്‍കി വിട്ടയച്ചു.
from kerala news edited
via IFTTT
