Story Dated: Wednesday, December 17, 2014 02:02
ചെറിയനാട്‌: സ്വന്തം പുരയിടത്തില്‍ ഗേറ്റ്‌ സ്‌ഥാപിച്ചതിന്‌ വ്യാപാരിക്കു നേരേ ക്വട്ടേഷന്‍ ഗുണ്ടകളുടെ ആക്രമണം. ചെറിയനാട്‌ നീരാഞ്‌ജനത്തില്‍ ശ്രീകുമാറി(39)നാണ്‌ ആക്രമണത്തില്‍ പരുക്കേറ്റത്‌. ശ്രീകുമാര്‍ വീടുവച്ചത്‌ ബാങ്ക്‌ വായ്‌പയെടുത്തയിരുന്നു.
ഇതിന്റെ കടം വീട്ടാന്‍ ആകെയുള്ള 17 സെന്റ്‌ സ്‌ഥലത്തിലെ 7 സെന്റ്‌ വില്‍ക്കുവാന്‍ തീരുമാനിച്ചിരുന്നു. അതിനായി ആ ഭാഗത്തു കെട്ടിയിരുന്ന മതില്‍ പൊളിച്ച്‌ ഗേറ്റ്‌ സ്‌ഥാപിച്ചപ്പോഴാണ്‌ അയല്‍വാസികള്‍ പ്രശ്‌നമുണ്ടാക്കിയത്‌.
ഇതേത്തുടര്‍ന്ന്‌ അലൂമിനിയം ഫാബ്രിക്കേഷന്‍ കട നടത്തുന്ന ശ്രീകുമാറിനെതിരേ ഭീഷണിയുമുണ്ടായി. തിങ്കളാഴ്‌ച വൈകിട്ട്‌ ശ്രീകുമാര്‍ കടയടച്ച്‌ വീട്ടിലേക്കു മടങ്ങവെ ബൈക്കിലെത്തിയ നാലംഗ സംഘം കല്ലും കമ്പിയും വടിയും ഉപയോഗിച്ച്‌ ഇയാളെ അക്രമിക്കുകയായിരുന്നു. തലയ്‌ക്കും ശരീരമാസകലവും പരുക്കേറ്റ ശ്രീകുമാര്‍ പ്രാണരക്ഷാര്‍ഥം ഓടി അടുത്തുള്ള പച്ചക്കറികടയില്‍ കയറി രക്ഷപെടുകയായിരുന്നു. ഓട്ടോറിക്ഷാക്കാരാണ്‌ ഇയാളെ ആശുപത്രിയിലെത്തിച്ചത്‌.
from kerala news edited
via IFTTT
