Story Dated: Wednesday, December 17, 2014 02:05
വടക്കഞ്ചേരി: ദളിത്‌ യുവാക്കളെ മര്‍ദ്ദിച്ച സംഭവത്തില്‍ എസ്‌.ഐക്കെതിരെ കേസ്‌. മംഗലംഡാം സ്‌കൂളിലെ പൈപ്പുകളും പൂച്ചെട്ടിയും തകര്‍ത്തു എന്നാരോപിച്ച്‌് നാല്‌ യുവാക്കളെ മര്‍ദ്ദിച്ചതുമായി ബന്ധപ്പെട്ടാണ്‌ മംഗലംഡാം ഗ്രേഡ്‌ എസ്‌.ഐ സണ്ണിജോസഫിനെതിരെ ആലത്തൂര്‍ ഡിവൈ.എസ്‌.പിയുടെ ചുമതലയുള്ള ഷാനവാസ്‌ കേസെടുത്തത്‌. മംഗലംഡാം നന്നങ്കാടി വിപിന്‍ദാസ്‌(17), കയറാടി വീഴ്‌ലി രഞ്‌ജിത്ത്‌്(17), കയറാടി വീഴ്‌ലി യദുകൃഷ്‌ണന്‍ (16), കിഴക്കഞ്ചേരി പനംകുറ്റി മനു (16) എന്നിവരെയാണ്‌ മംഗലംഡാം പൊലീസ്‌ മര്‍ദ്ദിച്ചത്‌. മര്‍ദ്ദനത്തില്‍ പരുക്കേറ്റ ഇവര്‍ ഇപ്പോഴും നെന്മാറ ഗവ. ആശുപത്രിയില്‍ ചികിത്സയിലാണ്‌. പരുക്കേറ്റവരില്‍ നിന്ന്‌ ഡിവൈ.എസ്‌.പി ഷാനവാസ്‌ മൊഴി രേഖപ്പെടുത്തി. മൊഴിയുടെ അടിസ്‌ഥാനത്തിലാണ്‌ എസ്‌.ഐക്കെതിരെ കേസെടുത്തിരിക്കുന്നത്‌. വടക്കഞ്ചേരി സി.ഐ എസ്‌.പി. സുധീരനാണ്‌ അന്വേഷണ ചുമതല.
from kerala news edited
via IFTTT
