Story Dated: Wednesday, February 11, 2015 02:35
പേരാമ്പ്ര: കോടേരിച്ചാലിനടുത്ത്‌ ഗൃഹനാഥന്റെ ശവസംസ്‌ക്കാരചടങ്ങിനിടെ രാത്രി 11 മണിക്കു ശേഷം അകത്തു കടന്ന അപരിചിതനെ പേരാമ്പ്ര പൊലീസ്‌ കസ്‌റ്റഡിയില്‍ എടുത്തു. കോടേരിച്ചാലിലെ കക്കറേമ്മല്‍ കുഞ്ഞിരാമന്‍ നായരുടെ സംസ്‌കാര ചടങ്ങിന്‌ ശേഷമാണ്‌ സംഭവം. മരുതോങ്കരയിലെ ഓട്ടോ ഡ്രൈവര്‍ വണ്ണാത്തിച്ചിറ സ്വദേശിയെ ആണ്‌ സംശയാസ്‌പദമായ സാഹചര്യത്തില്‍ നാട്ടുകാര്‍ പിടികൂടിയത്‌. വീടുകള്‍ മാറി മാറി സ്‌ത്രീകളെ ഭയപ്പെടുത്തുന്നവരെ ജനങ്ങള്‍ ഉറക്കമൊഴിഞ്ഞ്‌ കാത്തിരിക്കവെയാണ്‌ ഇയാളെ പിടികൂടിയത്‌. നാട്ടിലെ മോഷ്‌ടാക്കളുടെ ശല്യത്തിന്‌ പൊലീസ്‌ അടിയന്തിര ജാഗ്രത പുലര്‍ത്തണമെന്നും ഇതിന്റെ പിന്നിലെ ഗൂഢത കണ്ടത്തണമെന്നും ജനകീയവേദി ആവശ്യപ്പെട്ടു. സംശയാസ്‌പദമായ സാഹചര്യത്തിലാണ്‌ ഇയാള്‍ മരണവീട്ടില്‍ കയറിയത്‌ എന്ന്‌ പേരാമ്പ്ര പോലീസ്‌ പറഞ്ഞു.
from kerala news edited
via IFTTT
