പ്രവാസികള്‍ക്ക് ഫാമിലി വിസ ഇനി ഓണ്‍ലൈനിലൂടെ
Posted on: 10 Feb 2015
ജിദ്ദ: സൗദി അറേബ്യയില്‍ വിദേശി ജീവനക്കാര്‍ക്ക് കുടുംബാംഗങ്ങളെ കൊണ്ടുവരാനുള്ള വിസ ലഭിക്കാന്‍ ഇനി 'ഇസ്തിഖദാം' (പ്രാസികള്‍ക്കുള്ള വിസാ കാര്യങ്ങളുടെ) ഒഫീസുകളിലൂടെ കടലാസുകളുടെ മാറാപ്പ് പേറി കയറിയിറങ്ങേണ്ട. പ്രവാസികള്‍ക്കുള്ള ഫാമിലി വിസ ഇലക്ട്രോണിക് വഴി ആക്കിക്കൊണ്ടുള്ള സേവനം സൗദി അറേബ്യയില്‍ നിലവില്‍ വന്നു. ഇനി മുതല്‍ പ്രവാസികളുടെ ഭാര്യയ്ക്കും പ്രായപൂര്‍ത്തിയാകാത്ത മക്കള്‍ക്കുമുള്ള വിസ ഓണ്‍ ലൈന്‍ മുഖേന ലഭ്യമാകും.
രണ്ടാം കിരീടാവകാശിയും ആഭ്യന്തര മന്ത്രിയുമായ മുഹമ്മദ് ബിന്‍ നായിഫ് രാജകുമാരന്‍ ആണ് ഇലക്ട്രോണിക് ഫാമിലി വിസ സര്‍വീസ് ഉദ്ഘാടനം ചെയ്തത്. റിയാദിലെ അദ്ദേഹത്തിന്റെ ആസ്ഥാനത്ത് വെച്ചായിരുന്നു ചടങ്ങ്. ആഭ്യന്തര മന്ത്രാലയത്തിന്റെ പൊതുജനങ്ങള്‍ക്കുള്ള മുഴുവന്‍ സേവനങ്ങളും ഓണ്‍ലൈന്‍ വഴിയാക്കാനുള്ള ലക്ഷ്യം സാക്ഷാത്കരിക്കുന്നതിന്റെ ഭാഗമായാണ് പുതിയ ഉദ്യമം.
അക്ബര്‍ പൊന്നാനി
from kerala news edited
via IFTTT
