Story Dated: Wednesday, February 11, 2015 11:24
ന്യൂഡല്‍ഹി: ചരിത്ര വിജയം രചിച്ചതിനു തൊട്ടടുത്ത ദിവസം തന്നെ അരവിന്ദ്‌ കെജ്രിവാളിന്റെ ആം ആദ്‌മി പാര്‍ട്ടിക്ക്‌ (ആപ്‌) ആദായ നികുതി വകുപ്പിന്റെ നോട്ടീസ്‌. വിവാദ ഫണ്ടിന്റെ ഉറവിടം തേടിയാണ്‌ നോട്ടീസ്‌. ഫെബ്രുവരി 16 ന്‌ മുന്‍പ്‌ മറുപടി നല്‍കണമെന്നാണ്‌ നോട്ടീസില്‍ ആവശ്യപ്പെട്ടിരിക്കുന്നത്‌.
ആപില്‍ നിന്ന്‌ വിട്ടുപോയ ആപ്‌ വോളന്റീര്‍ ആക്ഷന്‍ മഞ്ച്‌ ഉന്നയിച്ച ഫണ്ടിംഗ്‌ വിവാദത്തിനു പിന്നാലെയാണ്‌ ആദായനികുതി വകുപ്പ്‌ ആപിന്‌ നോട്ടീസ്‌ നല്‍കയിരിക്കുന്നത്‌. വ്യാജ കമ്പനികളില്‍ നിന്ന്‌ ആപ്‌ രണ്ട്‌ കോടി രൂപ സംഭാവന സ്വീകരിച്ചുവെന്നായിരുന്നു ആരോപണം. എന്നാല്‍, ആരോപണങ്ങള്‍ അടിസ്‌ഥാനരഹിതമാണെന്നും കേന്ദ്ര ഏജന്‍സികള്‍ ഇതേ കുറിച്ച്‌ അന്വേഷിക്കട്ടെയെന്നുമായിരുന്നു കെജ്രിവാള്‍ പ്രതികരിച്ചത്‌.
from kerala news edited
via IFTTT
