Story Dated: Sunday, January 11, 2015 01:25
വടക്കഞ്ചേരി: കിഴക്കഞ്ചേരി പഞ്ചായത്തിലെ 14 ാം വാര്‍ഡിനെ പഞ്ചായത്ത്‌ ഭരണസമിതി അവഗണിക്കുന്നതായി പരാതി. ഇതിനെതിരേ മാരിയപ്പാടം പൗരാവലി മുഖ്യമന്ത്രിക്കും ജില്ലാ കലക്‌ടര്‍ക്കും പരാതി നല്‍കി. പഞ്ചായത്തിലെ മവ-മാരിയപ്പാടം റോഡ്‌ തകര്‍ന്ന്‌ തരിപ്പണമായിട്ടും വാര്‍ഡ്‌ മെമ്പര്‍ സി.പി.ഐയില്‍പ്പെട്ട ആളായതിനാല്‍ ഭരണകക്ഷിയായ സി.പി.എം ഈ വാര്‍ഡിന്‌ അനുവദിച്ച ഫണ്ടുകള്‍ മറ്റു ഭാഗങ്ങളിലേക്ക്‌ വകമാറ്റുകയാണെന്നാണ്‌ ആക്ഷേപം ഉയര്‍ന്നിട്ടുള്ളത്‌. പലതവണ ഈ റോഡ്‌ ഗതാഗതയോഗ്യമാക്കണമെന്ന്‌ ആവശ്യപ്പെട്ട്‌ പഞ്ചായത്തിന്‌ നിവേദനം നല്‍കിയിട്ടും യാതൊരു നടപടിയും ഉണ്ടായിട്ടില്ലെന്നും ഇനിയും റോഡ്‌ നന്നാക്കാന്‍ തയാറാകുന്നില്ലെങ്കില്‍ നാട്ടുകാര്‍ ഒന്നടങ്കം സമരരംഗത്ത്‌ ഇറങ്ങുമെന്നും മാരിയപ്പാടം പൗരാവലി മുന്നറിയിപ്പ്‌ നല്‍കി. യോഗത്തില്‍ ശിവനാരായണന്‍ അധ്യക്ഷത വഹിച്ചു. പ്രഭാകരന്‍, സന്തോഷ്‌, നാരായണന്‍ എന്നിവര്‍ സംസാരിച്ചു.
from kerala news edited
via IFTTT
