Story Dated: Sunday, January 11, 2015 01:46
കൂരാച്ചുണ്ട്‌: സംസ്‌ഥാനത്തെ എല്ലാ ഗ്രാമപഞ്ചായത്തിലും പൊതുശ്‌മശാനം നിര്‍മിക്കണമെന്ന സര്‍ക്കാര്‍ തീരുമാനം നടപ്പിലാക്കാത്ത കൂരൂച്ചുണ്ട്‌ പഞ്ചായത്തിന്റെ നടപടിയ്‌ക്കെതിരേ ഐ.എന്‍.ടി.യു.സി പ്രക്ഷോഭത്തിനൊരുങ്ങുന്നു.ഇതിന്റെ ഭാഗമായി ഫെബ്രുവരി ആദ്യ വാരത്തില്‍ പഞ്ചായത്ത്‌ ഓഫീസിന്‌ മുന്നില്‍ ബഹുജന ധര്‍ണയും പൊതുയോഗവും നടത്താന്‍ മണ്ഡലം കമ്മിറ്റി യോഗം തീരുമാനിച്ചു.ശ്‌മശാനം നിര്‍മിക്കാന്‍ അനുയോജ്യമായ രണ്ട്‌ ഏക്കര്‍ സ്‌ഥലം പഞ്ചായത്തിന്റെ പതിനൊന്നാം വാര്‍ഡില്‍ പൊന്നുണ്ടമലയില്‍ ഉണ്ടായിട്ടും ശ്‌മശാനം നിര്‍മിക്കാത്തത്‌ ജനങ്ങളോടുള്ള വെല്ലുവിളിയാളെന്ന്‌ ഐ.എന്‍.ടി.യു.സി യോഗം ആരോപിച്ചു.
ഹൈന്ദവ സഹോദരങ്ങള്‍ മരണപ്പെട്ടാല്‍ സ്വന്തം സ്‌ഥലത്ത്‌ സംസ്‌കരിക്കുകയോ,ദഹിപ്പിക്കുകയോ ചെയ്ണം.യഎന്നാല്‍ കോളനികളിലും മറ്റും താമസിക്കുന്ന ദുര്‍ബല വിഭാഗങ്ങള്‍ക്ക്‌ മൃതദേഹം മറവ്‌ ചെയ്യാന്‍ വലിയ പ്രയാസമാണ്‌ ഇപ്പോഴുള്ളതെന്ന്‌ യോഗം വിലയിരുത്തി.പൊതുശ്‌മശാനം നിര്‍മിക്കാത്ത പഞ്ചായത്തിന്റെ അനാസ്‌ഥയ്‌ക്കെതിരേ മുഖ്യമന്ത്രി,പഞ്ചായത്ത്‌ കാര്യമന്ത്രി,മനുഷ്യാവകാശ കമ്മിഷന്‍ എന്നിവര്‍ക്ക്‌ നിവേദനം നല്‍കിയിട്ടുണ്ട്‌. യോഗത്തില്‍ മണ്ഡലം പ്രസിഡന്റ്‌ ഒ.ഡി തോമസ്‌ അധ്യക്ഷത വഹിച്ചു.ദേവസ്യ പനക്കവയല്‍,കെ.സി അമ്മദ്‌,കെ.മുഹമ്മദ്‌,ഉസ്‌മാന്‍ തച്ചലക്കോട്‌ എന്നിവര്‍ പ്രസംഗിച്ചു
from kerala news edited
via IFTTT
