Story Dated: Sunday, January 11, 2015 11:25
കൊല്‍ക്കത്ത: ബംഗാള്‍ മുഖ്യമന്ത്രി മമതാ ബാനര്‍ജി തന്റെ ഫെയ്‌സ്ബുക്ക്‌ ആരാധകരോട്‌ നന്ദി പറഞ്ഞു. മമതയുടെ ഔദ്യോഗിക ഫെയ്‌സ്ബുക്ക്‌ പേജിന്‌ പത്ത്‌ ലക്ഷത്തില്‍ അധികം ലൈക്ക്‌ ലഭിച്ചതിന്‌ പിന്നാലെയാണ്‌ ആരാധകരോട്‌ മമത നന്ദി പ്രകാശനം നടത്തിയത്‌.
ഫെയ്‌സ്ബുക്ക്‌ കൂട്ടുകാര്‍ക്ക്‌ നന്ദി, കഴിഞ്ഞ ഞായറാഴ്‌ചയോടെ എന്റെ ഫെയ്‌സ്ബുക്ക്‌ പേജിലെ ലൈക്കുകള്‍ പത്ത്‌ ലക്ഷം കവിഞ്ഞുവെന്ന്‌ മമത തന്റെ പേജിലൂടെ പറഞ്ഞു. ആരാധകര്‍ക്കുള്ള തന്റെ നന്ദി പ്രകാശനം വ്യത്യസ്‌തമായ രീതിയിലാണ്‌.
ഇതിനായി ബിക്രം ഗോഷ്‌, ഉസ്‌താദ്‌ റഷീദ്‌ ഖാന്‍, പന്‍ഡിറ്റ്‌ രാജേന്ദ്ര നാരായണ്‍ മജുംദെര്‍, ഉഷാ ഉതുപ്പ്‌, പുളക്‌ സര്‍ക്കാര്‍, ഗോപാല്‍ ബര്‍മന്‍, ജ്യോതി ഗൊഹൊ, അല്ലാരഖാ തുടങ്ങിയവരുടെ സംഗീതം തന്റെ ഫെയ്‌സ്ബുക്ക്‌ പേജില്‍ നല്‍കിയിട്ടുണ്ടെന്നും തൃണമൂല്‍ കോണ്‍ഗ്രസ്‌ നേതാവ്‌ മമത ബാനര്‍ജി അറിയിച്ചു.
from kerala news edited
via IFTTT
